Bertsos - Voir fiche Pour savoir plus sur cette section
Ezin-emanaldia [Bertsoa] / Xabi Paya
Ezin-emanaldia [Bertsoa] / Xabi Paya
Nom de la strophe:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2012-09-16
Localisation:
XDZ - Xenpelar Dokumentazio Zentroa
Donostiako Zinemaldia
badator gogoz betea
baina desio zitekeen beste
ez du zabaldu atea,
bi ordezkari gabe gelditu
baita euskaldun artea,
justu gatazkaz dabiltzan film bi...
A zer kasualitatea!
Zeinen zaila den leihoa baino,
ispilua izatea.
“Gazta zati bat”, izan nahi duten
herri biren arazoa;
eta “Barrura begiratzeko
leihoak”, presoei soa;
halako zerbait erakustea
izango zen kolapsoa,
beraz, hobe da omititzea
euskal gizarte osoa,
ezerk ez dezan hondatu gero
krispeten usain gozoa.
Zinemaldiak film bientzako
marko bikaina zekarren,
baina ez omen dute mailarik
ez kanpo eta ez barren;
baina motibo politikorik
ez dela azaldu arren,
herri zahar honen mesederako
jar zitzaketen pozarren,
problema ez baita desagertuko
pantailan ez jartzearren.