Bertsos - Voir fiche Pour savoir plus sur cette section
Nire kontsolamendua [Bertsoa] / Mikel Iruretagoiena
Nire kontsolamendua [Bertsoa] / Mikel Iruretagoiena
Nom de la strophe:
Zortziko handia (hg) / Lau puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2012-10-24
Localisation:
XDZ - Xenpelar Dokumentazio Zentroa
1
azken inkestak ikusi eta
ez dira oso xamurrak,
politikuak trakets dabiltza
salbatzen dira apurrak,
denon diruen xahutzaileak
gero ta gehio lapurrak,
haien mendean gauden guztiok
bizi beharko beldurrak..
2
Handikeriak harrotu eta
faraoi zarren antzean,
obra itzelak jendia nitaz
akordatzeko hiltzean,
dagona bota, berria egin,
ez geratzeko atzean,
nahiz leporaino zorretan sartu
ta kutxa utzi hutsean.
3
Beren soldata beraiek jarri,
legeak ere neurrira,
mila kargotan enpliatzeko
lagunak beti badira,
garbiago ta txukunagorik,
munduan bada zingira,
gure kontura haien lepoak
ederki loditu dira.
4
Politikua, bankerua ta
kañoi hotsaren danbarra,
haien menpean bizi beharrak
sortzen dit neri negarra.
inolaz ere aldatu ezinik
betiko istori zarra,
bertso-sorta hau idazten daukat
kontsolamendu bakarra.