Bertsos - Voir fiche Pour savoir plus sur cette section
2012-08-15 Zizurkil Jaialdia [Bertsoa] / Amaia Agirre, Maialen Lujanbio
| Bertsoa entzun |
2012-08-15 Zizurkil Jaialdia [Bertsoa] / Amaia Agirre, Maialen Lujanbio
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
M. Lujanbio
Ordun mediku eta apaizak
igota zeuden goraino
beren ekintza dena libre zan
gainerako dena laino.
Nik susmoa beti eduki det
ta orain azaldu ez da ba ño!
Nere susmoa egiagoa
meikuen papelak baino.
A. Agirre
Gure bilobak hortxe dabiltza
salto jira eta buelta.
Nik ere gaiai ai zenbat buelta
hausnar eta gogoeta!
Haik heriotza deitzen diete
ta guk biok lapurreta
ta gogoratzen lanik ez daukat
ez det inoiz ahaztu eta.
M. Lujanbio
Ba hasieran ni egon nintzen
nahastu xamar bezela
kasu gehiago azaldu dira
konfirmatu det horrela.
Barruan amorrua ta mina
engainatu gintuztela
eta tartean poz txikitxo bat
bizirik egon leikela.
A. Agirre
Familia bat izan dezake
egia da beharbada
pentsatu hutsak negar estua
dakarkit begietara.
Orain bilobei begira gaude
ta parrean errepara
neri seme bat kendu zidaten
ta umeari osaba.
M. Lujanbio
Hari osaba faltako zaio
lapurreta ordainera
monjek, apaizek ta medikuek
hitz zuriak mingainera.
Hori oroituz odol guztiak
datozkit lepazainera
zeinen eskutan egondu geran
ta isil-isilik gainera!
A. Agirre
Gure etxean akabo dena
ilusio ta umore
eliz, mediku, gainontzekoei
ez agur ta ez ohore.
Isil-isilik egon gera bai
baina ez eman amore
umea gorde ziguten baina
egia ezin da gorde.