Bertsos - Voir fiche Pour savoir plus sur cette section
Martxoak 8 [Bertsoa] / Ane Labaka Mayoz
Martxoak 8 [Bertsoa] / Ane Labaka Mayoz
Nom de la strophe:
Hamabiko ertaina (hg) / Sei puntuko ertaina (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2014-03-09
Localisation:
XDZ - Xenpelar Dokumentazio Zentroa
Bihar gutako beste bat
badaiteke ehortzi,
men egiten badiezu
Iker eta Karlosi,
zure bi seme alabei
makarroiak egosi,
ta senarrari laneko
galtza zaharrak josi,
bertso saiotan sentitzen
banaiz erdi lorontzi...
Zergatik ospatu behar
dugu martxoak 8?
Ospatu ez, borrokatu
egin leike gogor hitz
baina nahastu nahi nuke
egutegiko orriz,
8a, 25a
markatuta jatorriz,
berdintasun faltsuaren
oihuak bat-etorriz,
zenbat emakume bizi
diren izu-laborriz,
egun gehiegi tindatu
ohi direlako gorriz.
Ez dira soilik kolpeak,
bizitza ahitzea...
denoi gertatu baitzaigu
begirada blaitzea,
parrandan edo lanean
norbaitek iraintzea,
ikusezin bihurtzea
ta guztiz txikitzea.
Gure alde izateko
askatasun haizea,
aukera bakarra dugu:
borrokan jarraitzea.