BDB Bertsolaritzaren datu-basea

Informazio orokorra

Kategoria

Ez bat-batekoa

Bertsolariak / Egileak

Labaka Mayoz, Ane

Deskribapena

Izenburua

Martxoak 8

Dokumentuan jasotako izenburua

Martxoak 8

Dokumentuan jasotako bertsoaren hasiera

Bihar gutako beste bat badaiteke ehortzi,

Neurria / Estrofaren izena

Hamabiko ertaina (hg) / Sei puntuko ertaina (ip)

Bertso kopurua

3

Bertso dokumentu mota

Hemeroteka (Aldizkari eta Egunkariak)

Edukia

Interneten

http://www.argia.eus/argia-astekaria/2406/martxoak-8

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Argia [Aldizkaria]

Liburukia / Urtea

76

Zenbakia

2406

Orrialdeak

25

Argitalpen / inprimatze data

2014-03-09

Martxoak 8 [Bertsoa] / Ane Labaka Mayoz

Neurria:  Hamabiko ertaina (hg) / Sei puntuko ertaina (ip)  Dokumentu-mota:  Hemeroteka (Aldizkari eta Egunkariak)  Argitalpenaren izenburua:  Argia [Aldizkaria] Argitalpen data:  2014-03-09 
Kokapena:  XDZ - Xenpelar Dokumentazio Zentroa 

---

Bihar gutako beste bat
badaiteke ehortzi,
men egiten badiezu
Iker eta Karlosi,
zure bi seme alabei
makarroiak egosi,
ta senarrari laneko
galtza zaharrak josi,
bertso saiotan sentitzen
banaiz erdi lorontzi...
Zergatik ospatu behar
dugu martxoak 8?

Ospatu ez, borrokatu
egin leike gogor hitz
baina nahastu nahi nuke
egutegiko orriz,
8a, 25a
markatuta jatorriz,
berdintasun faltsuaren
oihuak bat-etorriz,
zenbat emakume bizi
diren izu-laborriz,
egun gehiegi tindatu
ohi direlako gorriz.

Ez dira soilik kolpeak,
bizitza ahitzea...
denoi gertatu baitzaigu
begirada blaitzea,
parrandan edo lanean
norbaitek iraintzea,
ikusezin bihurtzea
ta guztiz txikitzea.
Gure alde izateko
askatasun haizea,
aukera bakarra dugu:
borrokan jarraitzea.