Bertsos - Voir fiche Pour savoir plus sur cette section
2015-02-26 Gasteiz Jaialdia [Bertsoa] / Amets Arzallus
Bertsoa entzun |
2015-02-26 Gasteiz Jaialdia [Bertsoa] / Amets Arzallus
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Azal ilunak gara gehienak
agian ilunegiak
argizarizko zuritasun bat
badu zure aurpegiak.
Nahiz ta zu zaren hemen nagusi
zu ta lagun beste biak
nola ezagutu ahal dituzu
iluntasunen egiak?
Gauez iluna jeisten denean
ixten dituzu begiak.
Gerra garaian itxaropen bat
piztu liteke luzaro
ezintasunak irudimena
besteek baino lehenago
goseak zenbat ideia bitxi
ni neu sinistuta nago.
Poeta bati aditu nion
ta ahaztuz gero akabo::
ilunak beti argitu izan du
argiak baino gehiago.
Beraz etzazu ezagutzeke
aipatu gure bizitza
ignorantziak duen hitz hori
hain da triste ta murritza..
Zatoz gugana azken finean
biak ondoan gabiltza
ta ba al dakizu guk nola piztu
genezakeen argi printza?
Sarri aski da begirada bat
ta are gehiago hitza.