BDB Bertsolaritzaren datu-basea

Información general

Kategoria

Bat-batekoa

Actuación

2015-02-26 Gasteiz Jaialdia

Conductor/a

Goikoetxea, Josu

Bertsolaris / Autores

Arzallus, Amets

Ejercicio

Bakarka gaia-emanda

Tema propuesto

Ahmed Baraudi izeneko etorkin marokoarrak idatzi du gutun bat prentsan aste honetan. Xenofobiaz kexu da. Oinarrian dio hezkuntza dela guzti honetatik aterako gaituena. Esaera arabiar batekin amaitzen du gutuna: “Ez hitz egin gaizki iluntasunaz, piztu ezazu argi bat”

Descripción

Melodia

Gure aurreko guraso zaharrak

Nombre de la estrofa

Hamarreko handia (hg) / Bost puntuko handia (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2015-02-26 Gasteiz Jaialdia [Bertsoa] / Amets Arzallus

Nombre de la estrofa:  Hamarreko handia (hg) / Bost puntuko handia (ip) 
Localización:  XDZ - Xenpelar Dokumentazio Zentroa 

---

Azal ilunak gara gehienak
agian ilunegiak
argizarizko zuritasun bat
badu zure aurpegiak.
Nahiz ta zu zaren hemen nagusi
zu ta lagun beste biak
nola ezagutu ahal dituzu
iluntasunen egiak?
Gauez iluna jeisten denean
ixten dituzu begiak.

Gerra garaian itxaropen bat
piztu liteke luzaro
ezintasunak irudimena
besteek baino lehenago
goseak zenbat ideia bitxi
ni neu sinistuta nago.
Poeta bati aditu nion
ta ahaztuz gero akabo::
ilunak beti argitu izan du
argiak baino gehiago.

Beraz etzazu ezagutzeke
aipatu gure bizitza
ignorantziak duen hitz hori
hain da triste ta murritza..
Zatoz gugana azken finean
biak ondoan gabiltza
ta ba al dakizu guk nola piztu
genezakeen argi printza?
Sarri aski da begirada bat
ta are gehiago hitza.