Bertsos - Voir fiche Pour savoir plus sur cette section
2016-11-12 Baiona Txapelketa [Bertsoa] / Amets Arzallus, Sustrai Colina
Bertsoa entzun |
2016-11-12 Baiona Txapelketa [Bertsoa] / Amets Arzallus, Sustrai Colina
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Sustrai :
Harrian lehen izenak dio
Monsieur Agnosbehere Gillen
bigarren da Irastorza bat
ez zena etxera jinen
hauek ikusiz jakin burua
zertan pentsatzen ari den
Frantziarentzat hil ziren baina
euskaldun petoak.
Amets :
Ni ere zure gisa berean
abizenen erakusten
bi Etxegarai, bi Etxeberri
hizkiak elgar igurzten
lau Etxamendi ta beste hainbat
tokirik ez dute uzten
frantses armada omen zen baina
frantsesik ez dut ikusten.
Sustrai :
Gure ahaideek, gure arbasoek
egin zutelako gerla
hartu fusilak, joan frentera
lana balitza bezela
nahiz ta gaur egun ospatu ohi den
garaipen haundi, itzela
okerrena da gerla harekin
konkistatu gintuztela.
Amets :
Arrazoin duzu plaka hortatik
begira aintzin gibela
"Mort pour la patrie" ere jartzen du
pentsa zazu ze krudela !
Engainatuta eraman eta
nahiz ta irabazi gerla
okerrena da ondorengoak
frantsesten hasi zirela.
Sustrai :
Lubakietan zernahi bihurtzen
denez otsoaren ago
batzuk ezindu itzuli ziren
bertzeak berriz zerraldo
azaroaren hamaika batez
frantsestu ginen zeharo
ta euskalduntzeko beharko ditugu
beste hamaika azaro.
Amets :
Pentsatu zenbat urte joan diren
memori okerrarekin
gu plaka hortan bertsu idazten
hasi gintezke gaur berdin
armistizio eguna nahiz den
azaroa ta San Martin,
udazken hauek joan eta gero
baietz udaberri bat jin.