Bertsos - Voir fiche Pour savoir plus sur cette section
2016-11-12 Baiona Txapelketa [Bertsoa] / Amets Arzallus
| Bertsoa entzun |
2016-11-12 Baiona Txapelketa [Bertsoa] / Amets Arzallus
Nom de la strophe:
Hamabikoa, ertainaren moldekoa, 6 puntuz (hg) / Sei puntukoa, ertainaren moldekoa (ip)
Localisation:
XDZ - Xenpelar Dokumentazio Zentroa
Zeruko segariak
pentsatzen zenbat belar
ebakitzen omen du
aski sasi, ote, lar.
Zentzugabeko biziak
utzi nau hain mehar
malkoak lehortuz jada
ezin eginik negar
herioren zain egon naiz
hogei urtetan zehar
baina ez du etorri nahi
beraz nik joan behar.
Eta zuri-beltzean
hor ikusi dut ama,
ene zazpi urteko
burukiko pijama
ta Argentinan beldurtu
ninduen armiarma
gero lagunen arteko
lehenengo patxarana
gero hau, gero hura
denbora hontan barna
bizitzako argazkiak
badatoz neregana.
Eta azkenerako
trikotatik tiraka
uste baino lehenago
azken kolpea, taka!
Nola esplikatuko dut
nik heldu den etapa
ez da erraiten errexa
lau den edo aldapa
baina bilakatuko naiz
urrutiko pirata
maite ditudan guziak
hantxe bizi dira ta.