BDB Bertsolaritzaren datu-basea

Information genérale

Kategoria

Bat-batekoa

Représentación

2021-01-16 Tolosa Jaialdia

Conducteur/trice

Agirre, Amaia

Bertsolaris / Auteurs

Labaka Mayoz, Ane

Exercice

Bakarka gaia-emanda

Sujet proposé

Arkitektura ikasketak egiten ari den ikaslea zara, Ane. Autobus geltokian zaude, unibertsitate aurrera eramango zaituen autobusaren zain. Eta bat-batean gurpildun aulki bat ikusi duzu espaloian aurrera jarraitu ezinik. Eta ume bizkien silla bultzatzen zihoan aitonak errepidera atera behar izan du espaloian zegoen zuhaitz batek bidea ixten ziolako. Badator autobusa, eta eskailerei begira zure pentsamenduak ere gora datoz.

Description

Air

Arratsalde on eta muxu bat

Nom de la strophe

Hamabiko handia (hg) / Sei puntuko handia (ip)

Bertso kopurua

3

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2021-01-16 Tolosa Jaialdia [Bertsoa] / Ane Labaka Mayoz

Nom de la strophe:  Hamabiko handia (hg) / Sei puntuko handia (ip) 
Localisation:  XDZ - Xenpelar Dokumentazio Zentroa 

---

Aniztasunaz jarduten degu
baina ai gorputz anitzak!
Kalean ezin lasai ibili
nik behintzat hala deritzat
ez dira soilik koxkak, aldapak
nahiz farolan argi printzak
arkitekturak mugatzen ditu
mugimenduak, ekintzak
bidean zehar agertuz gero
oztopoak ta baldintzak
zein den hiritar eta zein ez den
zehazten du hirigintzak. (bis)

Arkitektura ez baita soilik
zementua ta harria
izan daiteke eskailera bat
erdi-erdian jarria
oinezkoontzat, gu normalontzat
ez dena horren larria
gurpildun aulki batentzat izan
daiteke izugarria
izan umea, adinekoa
itsua nahiz elbarria
espazio orok beharko luke
denontzat irisgarria. (bis)

Gu iristeko eraiki dira
horrenbeste bidezidor
ta gu haietan ibiltzen gera
mundua bihurtuz zilbor
baina ertzeko gorputzei ere
gauza bera diegu zor
desoreka hain nabarmena da
ezin da egin entzungor
teoriatik praktiketara
hutsune bat daukagu hor
inklusioaz hitz egiten da
ta nork barneratzen du nor? (bis)