BDB Bertsolaritzaren datu-basea

Información general

Kategoria

Bat-batekoa

Actuación

2021-01-16 Tolosa Jaialdia

Conductor/a

Agirre, Amaia

Bertsolaris / Autores

Labaka Mayoz, Ane

Ejercicio

Bakarka gaia-emanda

Tema propuesto

Arkitektura ikasketak egiten ari den ikaslea zara, Ane. Autobus geltokian zaude, unibertsitate aurrera eramango zaituen autobusaren zain. Eta bat-batean gurpildun aulki bat ikusi duzu espaloian aurrera jarraitu ezinik. Eta ume bizkien silla bultzatzen zihoan aitonak errepidera atera behar izan du espaloian zegoen zuhaitz batek bidea ixten ziolako. Badator autobusa, eta eskailerei begira zure pentsamenduak ere gora datoz.

Descripción

Melodia

Arratsalde on eta muxu bat

Nombre de la estrofa

Hamabiko handia (hg) / Sei puntuko handia (ip)

Bertso kopurua

3

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2021-01-16 Tolosa Jaialdia [Bertsoa] / Ane Labaka Mayoz

Nombre de la estrofa:  Hamabiko handia (hg) / Sei puntuko handia (ip) 
Localización:  XDZ - Xenpelar Dokumentazio Zentroa 

---

Aniztasunaz jarduten degu
baina ai gorputz anitzak!
Kalean ezin lasai ibili
nik behintzat hala deritzat
ez dira soilik koxkak, aldapak
nahiz farolan argi printzak
arkitekturak mugatzen ditu
mugimenduak, ekintzak
bidean zehar agertuz gero
oztopoak ta baldintzak
zein den hiritar eta zein ez den
zehazten du hirigintzak. (bis)

Arkitektura ez baita soilik
zementua ta harria
izan daiteke eskailera bat
erdi-erdian jarria
oinezkoontzat, gu normalontzat
ez dena horren larria
gurpildun aulki batentzat izan
daiteke izugarria
izan umea, adinekoa
itsua nahiz elbarria
espazio orok beharko luke
denontzat irisgarria. (bis)

Gu iristeko eraiki dira
horrenbeste bidezidor
ta gu haietan ibiltzen gera
mundua bihurtuz zilbor
baina ertzeko gorputzei ere
gauza bera diegu zor
desoreka hain nabarmena da
ezin da egin entzungor
teoriatik praktiketara
hutsune bat daukagu hor
inklusioaz hitz egiten da
ta nork barneratzen du nor? (bis)