Bertsos - Voir fiche Pour savoir plus sur cette section
2023-12-02 Iruñea Txapelketa [Bertsoa] / Saioa Alkaiza
| Bertsoa entzun |
2023-12-02 Iruñea Txapelketa [Bertsoa] / Saioa Alkaiza
Localisation:
XDZ - Xenpelar Dokumentazio Zentroa
Sukalde ospel honetan
hasten zaigu narratiba
ximurrak ta begi biak
malkoentzako zingira
gerturatzen ari gara
gertutik amildegira. (bis)
Ez zahartzea zen desira
ordea senarra behea
eta beherantz doa tira!
Begiradan galdua du
mina ezin dut deskriba
gaur “nor zara?” Galdetu dit
begietara begira (bis)
(mina ezin dut deskriba)
Alzheimerra hasi zaio
adinaren ñabarduran
non nago? Eta non zaude?
Burmuina dabil torturan
nik eskua ematen diot
maitasunaren liluran (bis)
ta esan “sinesten dut zugan”
ordea, nola erori
den aspaldi ahanzturan
indarra aterako dut
honetan ez egon dudan
oroitaraziko dizut
zenbat maitatzen zaitudan. (bis)
(horretan ez egon dudan)
Garai batean hain gizon
horren indartsu ta ze ar!
Baina ximeltzen joan da
etxeko geletan zehar
sendoa zena urtetan
nola gelditu den mehar (bis)
ze malko ta ze irripar!
Besterikan ezin egin
bizitzak mina bailekar
besarkatu egin dut estu
ez du besterikan behar
beste inor ez dugu ta
babestu dezagun elkar (bis)
(beste ezer ez du behar)