Bertsos - Voir fiche Pour savoir plus sur cette section
2023-12-02 Iruñea Txapelketa [Bertsoa] / Eneko Lazkoz
| Bertsoa entzun |
2023-12-02 Iruñea Txapelketa [Bertsoa] / Eneko Lazkoz
Nom de la strophe:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localisation:
XDZ - Xenpelar Dokumentazio Zentroa
Etxetik pozik irten naiz
banuen itxaropena
ideia egina neukan
zer ote zen zetorrena
deskubritzeko mundu bat
dugu guk parrandarena
elkar harremantzeko ze
modu den mozkorrarena.
Beteta zegoen plaza
eta beteta taberna
nahi ta ezin, nahi ta ezin
hortxe pasa dut gau dena
lehendabizikoa ez da
izan espero nuena. (bis)
Botelloia egiteko
hartu izan dugu astia
transparente utzi arte
lau botilari azpia
eta ikusi behar zen
ondorengo argazkia
bakarren batek bota du
sabeleko nahaskia
txintxoena ni nenbilen
ta nolako angustia!
Kuadrilla zebilelarik
kalimotxotan bustia
lagun mozkorrak zaintzen nik
pasatu dut gau guztia. (bis)
Ni ere tragoen eske
euren gisan ari nintzen
baina beldurrak ez zidan
uzten barrura asko biltzen
haiek harrotzen joan dira
ta ni joan naiz umiltzen
ta orain etxera noa
nere tristuran amiltzen
gaua igaro ondoren
nere lagunak jarraitzen
pentsatu dut hurrengoan
ea ateratzen naizen!
Beti ez naiz hor egongo
lotsagabe hoiek zaintzen. (bis).