BDB Bertsolaritzaren datu-basea

Information genérale

Kategoria

Bat-batekoa

Représentación

2025-01-06 Ondarroa Jaialdia

Conducteur/trice

Lersundi, Iñaki

Bertsolaris / Auteurs

Amuriza, Miren

Galletebeitia, Xabat

Exercice

Binaka gaia-emanda

Sujet proposé

Hogeita hemeretzi urte dira Mikel Zabalza erail zutela. Eta 2024ko azaroaren 30ean Intxaurrondoko kuartelaren aurrean plaka bat ipini dute beraren omenez. Eta harrian bertan jartzen du: “Idatzita geratzen da Mikel kuartel honetan hil zela”

Description

Air

Lili bat ikusi dut I

Urzo xuri pollit bat A

Nom de la strophe

Zortziko txikia (hg) / Lau puntuko txikia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2025-01-06 Ondarroa Jaialdia [Bertsoa] / Miren Amuriza, Xabat Galletebeitia

Nom de la strophe:  Zortziko txikia (hg) / Lau puntuko txikia (ip) 
Localisation:  XDZ - Xenpelar Dokumentazio Zentroa 

---

Neurria: Zortziko txikia
Doinua: Lili bat ikusi dut I

X. Galletebeitia
Hamaika oroitzapen
abesti ta kanta
errealitateari
ekimenak falta
plaka bati jartzeko
teloia tiraka
ia berrogei urte
igaro dira ta!

Neurria: Zortziko txikia
Doinua: Urzo xuri polit bat*

M. Amuriza
Familiak eraman
plakaz eta lorez
bete dira hamaika
lekutxo kolorez
baina erakundeek
ardurak han gordez
biktimatzat nor hartzen
dute eta nor ez?

X. Galletebeitia
Ez zen aspaldi pasa
ia bart goizean
baina zer gertatzen da
hortara ohitzean?
Poliziaren esku
hotzetan lohitzean
plaka bat falta zaigu
kuartel bakoitzean.

M. Amuriza
Beraz joango bagina
geu kuarteletara
ta izen-abizendun
plaka bana atara
zeren agintarien
ahoetan jada
memoria eslogan
merke bat ez al da?

X. Galletebeitia
Ta esloganak bete
ditzake gidoiak
dena estal lezake
kasik hormigoiak
ta zer dio ireki
nahi dugun meloiak?
Batzuk plakak dauzkate
besteek galoiak.

M. Amuriza
Plakak eta galoiak
ipinizaleak
inoiz ez gara izan
hartzeko kaleak
baina ez dira amaitu
ez gure galdeak
ta non daude orduko
torturatzaileak?

X. Galletebeitia
Bulegoetan daude
hori dute ordain
zauri denak ez dira
bilakatu orbain
guardia zibil, polizi
nazional zein ertzain
inpunitatea dute
lehen eta orain.

M. Amuriza
Ta inpunitateari
erantzunen bat zor
zaionez gero jarri
behar gara geu hor
denborak dena osatzen
du esaten da jator
kasu hontan denbora
gure kontra dator.

X. Galletebeitia
Gainera gu denboran
ez gaudenez geldi
lehen esan ez zena
orain esan bedi
orainak gero bat du
aurrean ageri
atzera begiratuz
gogoratzen segi.

M. Amuriza
Gogoratzen jarraitzen
da bertsolaritzan
herrigintzan, kulturan
nola hor gabiltzan
gatazkak pluralean
badoaz behar gisan
bakeak ere ezin du
bat bakarra izan.


*Bi doinuak txandatuz kantatu dute.