BDB Bertsolaritzaren datu-basea

Information genérale

Kategoria

Bat-batekoa

Représentación

2000-01-09 Zarautz Jaialdia

Conducteur/trice

Etxeberria Garro, Martin

Etxeberria Garro, Xabier

Bertsolaris / Auteurs

Mantzizidor, Iñigo "Mantxi"

Sarasua, Jon

Exercice

Binaka gaia-emanda

Sujet proposé

Hi, Jon, San Martin Txiki haiz, guretzako beharrezkoak ziren hainbat gauza Basajaunari-eta lapurtzen zizkiena. Orain, San Martin Txikik jakin du, Basajaunak-eta badutela edari gustagarri bat, sagardoa izenekoa, eta Mantxi basajaunarengana jo du edari horren berri jakitera, ona bada, ekartzeko, noski.

Description

Air

Bertsuak jarri dizkat

Nom de la strophe

Seiko txikia (hg) / Hiru puntuko txikia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2000-01-09 Zarautz Jaialdia [Bertsoa] / Iñigo Mantzizidor "Mantxi", Jon Sarasua

Nom de la strophe:  Seiko txikia (hg) / Hiru puntuko txikia (ip) 
Localisation:  XDZ - Xenpelar Dokumentazio Zentroa 

---

J. Sarasua:
Lehenbizi arratsaldeon
gure Basajauna;
edari bat badala
heldu zait jarduna,
txanpainan antzekua
baina euskalduna. (bis)

Mantxi:
Euskaldunak denean
portatzen gera fin;
sagardoa zer degun
behar dezu jakin:
primeran sartzen dena
txuleta batekin. (bis)

J. Sarasua:
Dexente gustatu zait
zure arrazoia,
baina nun du indarra,
nun dauka sasoia?
Afrodisiakoa da
edota pozoia? (bis)

Mantxi:
Galdera egin dezu
ta nahi det erantzun,
bietatik zer degun
jakin zazu lagun:
hori da segun ta zeinek
tragoa ematen dun. (bis)

J. Sarasua:
Baina ez dakit hori
aski den laguna;
nahi nuke edari bat
egizko euskalduna,
botilan sartu ezkero
balio ez duna. (bis)

Mantxi:
Sartzekoa aipatu
nahi nuke antzeko,
ziria sartu behar da
kupelan letxeko,
gogoa ematen baitu
ziria sartzeko. (bis)

J. Sarasua:
Nahi nuke edari bat
goxoa ta fina,
bertsotarako duna
kriston eragina!
Ideiak kendu gabe
rimak dakarzkina. (bis)

Mantxi:
Zer esan behar diot
segapoto honi?
Horrela jarraitzerik
ez zaigu komeni,
zuk gehiegi nahi dezu
ta gutxi eskeini. (bis)

J. Sarasua:
Ezer gutxi al dago
edari hoietan?
Edariak nahi ditut
modu berrietan,
Txirritak sor daitezen
euskal herrietan. (bis)

Mantxi:
Txirritari badiot
hainbeste kariño,
baina zuzenketa bat
egin behar det, joño:
hura txuletak sortu zun
sagardoak baino. (bis)