2001-12-01 Bilbo Txapelketa [Bertsoa] / Unai Iturriaga, Aitor Mendiluze

Zu, Aitor, aktorea zara eta egunero telebistaz ematen den telesail batean gaiztoarena egiten duzu. Etxerakoan, Unai zure auzokoak haserre bizian eraso dizu. Launa bertso, zortziko txikian, Aitor hasita.

Description

Air

Dama gazte xarmant bat

Nom de la strophe

Zortziko txikia (hg) / Lau puntuko txikia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

2001-12-01 Bilbo Txapelketa [Bertsoa] / Unai Iturriaga, Aitor Mendiluze

Nom de la strophe: Zortziko txikia (hg) / Lau puntuko txikia (ip)
Localisation: XDZ - Xenpelar Dokumentazio Zentroa

Mendiluze:
Nik gaizto paperean
jana irabazi,
auzora iritsi ta
erasoan hasi;
fikzioa bereizten
ez dezu ikasi,
orduan telesailik
ez zazu ikusi. (bis)

Iturriaga:
Ezjakina naizela
neri ez egin burla,
zurelako gaiztorik
munduan sekula!
Jakizu eraso hau
merezi duzula,
ta neri ez kontatu
zure pelikula. (bis)

Mendiluze:
Kontatzen dizudana
pelikula omen,
ulertu egin behar
zenuke hau, zeren
lehengo astean neure
kidea hil nuen
ta atzo elkarrekin
bazkaldu genuen. (bis)

Iturriaga:
Gaiztoa ta laguna,
gaiztoa topera,
lagun bat hil zuela
matxete kolpera.
Gero harekin bazkaldu,
normala ote da?
Parasikologoa
gaiztoaz gainera! (bis)

Mendiluze:
Adibide txarra zen,
hau da ezustea!
Hobe beste batekin
hau garbi uztea;
han gaur andregai bat da
ta bihar bestea,
ez al dezu ezagutzen
nere emaztea? (bis)

Iturriaga:
Gaiztoa izateko
sortua mundura,
orain formal itxuran
ezkondu modura,
baina niri ez kontatu
hau, hori ta hura,
zure kantzontzilotan
ez dut sartu gura. (bis)

Mendiluze:
Zure buru-nahasteak
hortxe jo du goia,
ni omen naiz alua,
ni omen kabroia.
Dena ona izatea
zeure arrazoia,
hortarako egiten
da telekupoia. (bis)

Iturriaga:
Esandakoarekin
nik ja aski nuen,
kolpe emanda gero
nago ni ondoen.
Heriotza zuk duzu
laguna gertuen,
ia Maria Luisak
akatzen zaituen! (bis)

BDB Bertsolaritzaren datu-basea

Bertsos - Voir fiche Pour savoir plus sur cette section