1982-11-28 Idiazabal Txapelketa 17:00 [Bertsoa] / Imanol Lazkano, Iñaki Otaño

Bokadilo bat jan nahi eta Pancorbon topo egin duzue. Lazkano Madriletik Euskal Herrira dator, eta Otaño Euskal Herritik Madril aldera doa eguneroko zereginetan.

Description

Air

Xarmangarria zera I

Nom de la strophe

Zortziko txikia (hg) / Lau puntuko txikia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Txapelketetako Bilduma

1982-11-28 Idiazabal Txapelketa 17:00 [Bertsoa] / Imanol Lazkano, Iñaki Otaño

Nom de la strophe: Zortziko txikia (hg) / Lau puntuko txikia (ip)
Localisation: XDZ - Xenpelar Dokumentazio Zentroa

Lazkano: Mokau bat osatu nahi
nik hortz eta hagin
nere gose santu hau
ezkutatu dadin
Otaño ere bertan
arkitzen da berdin
lehenen galdetzen diat
zer berri Euskadin?

Otaño: Han dana burruka da
gorrototik jota
bialdu ez naute egin
ez nau inork bota
pakea besterikan
ez baitzait inporta
hargatik aldegin det
hoi han ez dago-ta.

Lazkano: Beraz zure pakerik
ezin korapila
arkituko zenduen
mila iskanbila
leku txarrera zoaz
pakearen bila!
Gerra maite ez duna
ez juan Madrila!

Otaño: Hura ez dut ezagutzen
aitortzen du firme
baina munduan bizi
nahi dut alai, erne
hango kanpotarrak ta
etxekoak barne
gorroto hoiekin ni
ez nago konforme.

Lazkano: Euskadin irautea
hobe da ahal dala
nahiz patxara ez izan
nahi bezin zabala
Madril pentsatu zazu
okerrago dala
aurki entzungo dezu
kriminal zerala!

Otaño: Aurrera beharrean
guztia atzera
txangurruak bizitzan
ohi duen antzera
batasuna're aspaldi
badoa galtzera
Lazkano zu ere han
aspertuko zera!

Lazkano: Otañon bihotzean
nere ustez min da
herria ikusirik
konpondu ezinda
nora kristota zoaz
zu hori jakinda?
Zer konponduko dezu
kanpora aldeginda?

Otaño: Zure ideetan ni
ez neike eseri
grazirik ez baitiot
bilatzen ezeri
gorroto ta parua
hoinbeste miseri
hura gustatzen bazaik
hik lasai hor segi.

BDB Bertsolaritzaren datu-basea

Bertsos - Voir fiche Pour savoir plus sur cette section