Bertsos - Voir fiche Pour savoir plus sur cette section
1989-12-17 Donostia Txapelketa 11:30 [Bertsoa] / Sebastian Lizaso, Jon Lopategi
| Bertsoa entzun |
1989-12-17 Donostia Txapelketa 11:30 [Bertsoa] / Sebastian Lizaso, Jon Lopategi
Nom de la strophe:
Hamarreko txikia (hg) / Bost puntuko txikia (ip)
Localisation:
XDZ - Xenpelar Dokumentazio Zentroa
Lizaso
Etxetik irriparrez
zinadena juan,
orain zergatik zatoz
zatozen moduan?
Kontsolatu zaitea
amatxo(re)n onduan,
nahizta lehengo kuttuna
eduki goguan,
mutil gehiago ere
badaude munduan. (bis)
Lopategi
Lehenengoa nuen da
hainbeste arazu,
ama kontsolagarri
beti izan zara zu,
batekin nenbilen ni
gogoz jo eta su,
nere galdera honi
egiozu kasu:
zenbatgarren gizona
etxean daukazu? (bis)
Lizaso
Aukera berekin du
maitasun jokoak,
ez ninun engainatu
lehendabizikoak;
kontu izan dotore
tente ta guapoak,
aukeran daduzkazu
hura hainakoak,
irri bihur ditezen
dauzkazun malkoak. (bis)
Lopategi
Neska polit ederra
gainera gertuko,
ni galtzean ez dauka
neuk hainbeste luto,
ez dakit zer dabilen
tranpa edo truko,
bakarra maite dut nik
mundua lekuko,
berakin ezin badut
ez naiz ezkonduko. (bis)
Lizaso
Sufritzeko ez zinan
jaioa mundura,
eta aldatu zazu
daukazun itxura,
hau diozut alaba
bihotz ta burura,
berriz etorriko da,
ez izan ardura,
gozo(a)go izaten da
kostatako hura. (bis)
Lopategi
Abisua entzun du,
entzun du ahotsa,
nere deia beti da
bizi ta zorrotza,
malezi gabe egin
nion nik aitortza,
eten hau izango al da
labur edo motza,
bere zain e(d)ukiko dut
nik beti bihotza. (bis)