Bertsos - Voir fiche Pour savoir plus sur cette section
2001-03-24 Ataun Txapelketa [Bertsoa] / Joseba Barandiaran
2001-03-24 Ataun Txapelketa [Bertsoa] / Joseba Barandiaran
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Bateko lurrak El Salvadorren
egin zuela indarra,
etxe haietan somatu zuten
barne barnean dardarra.
Gero zabaldu ezker eskubi
pobrezia ta negarra
mundu hontako panorama`re
ez degu oso edarra;
pobren etxean bizitzezale
zergatik da zoritxarra? (bis)
Kaliforniako beste hura`re
gustoz aipatuiko nuke
aberatskume batzun etxetan
sortu zen nahikoa sute.
Handik denentzat zabaldu gero
hainbat galera ta kalte,
nahiz ta dirudun izate hori
izan leiken nahiko suerte,
oso aberats direnek ere
zoritxarra`re badute. (bis)
Mundu honetan zoritxarrakin
gabiltz gira eta bira,
berdin iritsi litekelarik
kanpora edo herrira.
Ta zergatiaz pentsatzen jarriz
gai gaizto honen arira,
Lazkao Txiki behin zer esan zun
entzule maite begira:
usteltzeakin ontzen dirala
gizona eta mizpira (bis)