BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-03-24 Ataun Txapelketa

Gai-emailea

Usarralde, Inaxio

Bertsolariak / Egileak

Barandiaran, Joseba

Lana

Bakarka gaia-emanda kartzelako-lana

Jarritako gaia

El Salvadorren lurrikarak izugarrizko galerak eragin ditu. Aspaldi ez dela hurakana izan zuten. Zergatik hainbeste zoritxar?

Deskribapena

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-03-24 Ataun Txapelketa [Bertsoa] / Joseba Barandiaran

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Bateko lurrak El Salvadorren
egin zuela indarra,
etxe haietan somatu zuten
barne barnean dardarra.
Gero zabaldu ezker eskubi
pobrezia ta negarra
mundu hontako panorama`re
ez degu oso edarra;
pobren etxean bizitzezale
zergatik da zoritxarra? (bis)

Kaliforniako beste hura`re
gustoz aipatuiko nuke
aberatskume batzun etxetan
sortu zen nahikoa sute.
Handik denentzat zabaldu gero
hainbat galera ta kalte,
nahiz ta dirudun izate hori
izan leiken nahiko suerte,
oso aberats direnek ere
zoritxarra`re badute. (bis)

Mundu honetan zoritxarrakin
gabiltz gira eta bira,
berdin iritsi litekelarik
kanpora edo herrira.
Ta zergatiaz pentsatzen jarriz
gai gaizto honen arira,
Lazkao Txiki behin zer esan zun
entzule maite begira:
usteltzeakin ontzen dirala
gizona eta mizpira (bis)