Bertsos - Voir fiche   Pour savoir plus sur cette section

1999-12-05 Tolosa Txapelketa [Bertsoa] / Txomin Garmendia, Aitor Mendiluze

Information genérale

Kategoria
Bat-batekoa
Représentation Périodique (Saioarena)
Gipuzkoako Herri Arteko Bertsolari Txapelketa (1. 1999)
Représentación
1999-12-05 Tolosa Txapelketa
Gai-emailea
Usarralde, Inaxio
Bertsolaris / Auteurs
Garmendia, Txomin
Mendiluze, Aitor
Exercice
Binaka gaia-emanda
Sujet proposé
Zu, Aitor, burua galtzeraino maitemindua zaude. Txominek maitasun kontuak ez ditu kontuan hartzen.

Description

Nom de la strophe
Hamarreko txikia (hg) / Bost puntuko txikia (ip)

Localisation

Localisation
XDZ - Xenpelar Dokumentazio Zentroa
Collection / Fond / Projet
Txapelketetako Bilduma

1999-12-05 Tolosa Txapelketa [Bertsoa] / Txomin Garmendia, Aitor Mendiluze

Nom de la strophe:  Hamarreko txikia (hg) / Bost puntuko txikia (ip) 
Localisation:  XDZ - Xenpelar Dokumentazio Zentroa 


Mendiluze:
Nere bihotza joan da
nahiko urrutira
berak maite duena
zegoen tokira.
Zuk ez dezu federik
horretan ta tira
maitasuna(re)n kontuak
zer diren begira,
ez dira sinisteko
sentitzeko dira.

T. Garmendia:
Aitor nik nahi nizuke
gaur jakinarazi
neskats batekin dezu
hortxe mila grazi
ta erdi eroturik
hor zaude hor zabiltza kasi
ta hauxe nahi nizuke
nik adierazi
burua galtzerikan
ez dula merezi.

Mendiluze:
Horrela hitz egiten
ote du lagunak?
Burua galduta nik
nolako jardunak
zer ekarriko ote
dit etorkizunak?
Nahiz ta burua galdu-
arazi kuttunak
ez al du gehigo galtzen
bihotzik ez dunak?

T. Garmendia:
Bihotz kontua izan
liteke minkatza
eta beti zuzentzen
ez dago erraza.
A(ho)a zabaldurikan
har zazu arnasa
mundua handia da
bizi zaitez lasa
eta neurritikan
zu ez zaitez pasa.

Mendiluze:
Pentsatu gabe ez da
pasatzen egunik,
baina ez uste neurririk
pasatzen degunik.
Zuk ez badezu izango
zuretzat kutttunik,
ez badezu maiteko
halako lagunik,
lasai zabiltza baina,
erruki zaitut nik.

T. Garmendia:
Aitor zuk maite dezu
Maria Antoni
ta zer esan behar (d)iot
gazte polit honi
hemen hasarratzerik
ez baita komeni.
Hortik etorri leike
hamaika agoni;
bi ho(r)i(e)tatik aspaldi
pasea nago ni.