BDB Bertsolaritzaren datu-basea

Information genérale

Kategoria

Bat-batekoa

Représentation Périodique (Saioarena)

Bertsolari Txapelketa Nagusia (11. 1993)

Représentación

1993-12-19 Donostia Txapelketa 11:30

Gai-emailea

Azkune, Laxaro

Bertsolaris / Auteurs

Egaña, Andoni

Xabier "Euzkitze"

Exercice

Binaka gaia-emanda

Sujet proposé

Loa ere ez dugu guztiok berdin behar, ezta zuek ere. Andoni Egañak egunero 12 ordu lo egiten ditu. Xabierrek aldiz, sei ordurekin aski du.

Description

Nom de la strophe

Zortziko handia (hg) / Lau puntuko handia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Txapelketetako Bilduma

1993-12-19 Donostia Txapelketa 11:30 [Bertsoa] / Andoni Egaña, Xabier "Euzkitze"

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 

---

Euzkitze:
Badakit loa premizko dala,
aitortzen dizut egia;
baina, laguna, zure premia
ez ote da gehiegia?
Lanean nere arima uzten dut
ta mendian izerdia,
alper-alperrik ez dut galdu nahi
nere bizitza erdia. (bis)

Egaña:
Hau zutik oso gustora dabil,
ni postura etzanean;
nere joera askoz hobe da,
nere uste otsanean.
Sekretutxoa zertan dagoen
esango det azkenean:
zu lanean lo egoten zera
eta ni lotan lanean. (bis)

Euzkitze:
Lo kontu hori zein hizjokoa!
Horrek utzia nau mutu,
baina nik ez dut horren alperrik
orain arte ezagutu.
Ez zaitezela hamabi orduko
premiarekin itsutu,
nik amets egin baino nahio dut
ametsak egi bihurtu. (bis)

Egaña:
Halare pozik murgiltzen naiz ni
maindire tarte eztira;
ametsak badu egiak ez dun
indarra eta deztira.
Egia garbi jakingo dezu
haurtxo txikiei begira:
hamabi orduz daukate loa,
ta haurrak tontoak ez dira! (bis)

Euzkitze:
Saiatu arren ez dut ulertzen
zure bizitzaren martxa,
ez al dakizu zahartzaroa
ez dela izaten txantxa?
Haurrek dituzu gaur konsuelo,
hoiek zure esperantza;
haien neurrian geratu zera,
hori da zure akatsa. (bis)

Egaña:
Denon eskura daukagu loa
ta gainera merke-merke;
loaren bidez uxatzen degu
mila pena eta neke:
lokartu aurretik nere burua
trenai botako nioke
ta esnatzean, sarri askotan,
trena erosiko nuke. (bis)

Euzkitze:
Trenaren loak eskeintzen dizu
zuri makina bat amu,
neretzat, berriz, hor usteltzea
etsipenezko inpernu.
Zuk ba al dakizu zer pasako den
etzi edo etzidamu?
Gero alperrik esango duzu:
"lehen aprobetxatu banu..." (bis)

Egaña:
Gaur egunean lotia naiz ni,
lotia nintzen txikitan;
ta Euzkitze hemen daukagu
bere ernegatu pintan.
Atzo're zegon Egañak daukan
patxadaren inbiritan...
telefonotik ez deitu neri
goizeko zazpi t'erditan. (bis)