Bertsos - Voir fiche Pour savoir plus sur cette section
1993-11-14 Hendaia Txapelketa [Bertsoa] / Ibon Ajuriagojeaskoa, Aitor Sarasua
1993-11-14 Hendaia Txapelketa [Bertsoa] / Ibon Ajuriagojeaskoa, Aitor Sarasua
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
I. Ajuria:
Arratsaldeon esanaz zuri
galde egitera noa;
bertsoak ondo erakustea,
hori da duzun asmoa;
horretarako zuk behar dozu
gaur benetako gradoa,
horrexagatik eskatzen dizut
badaukazun tituloa.
A.Sarasua:
Ez dut esaten titulu hori
litzakenik gauza txarrik,
baina oraingoz ez dago eta
ez zazula eman gerrik;
zuen dirurik ez dugu, baina
gu ez gabiltza alperrik,
borondatea sobra denean
ez da titulu beharrik.
I. Ajuria:
Borondatea ontzat hartzen dut
baina egin nauzu kezkatu;
beste munduko gauzarik lagun
zuri ez dizut eskatu;
bertsolaritza maisuen mailan
behar dugu preparatu,
titulo gabe zauden ezkero
behar dizut debekatu.
A.Sarasua:
Jaurlaritzaren eskakizuna
ez al da ridikulua?;
hauek haunditu egin nahi dute
gure kulturan zulua;
jendea prest egon zitakenikan
ez dute egin kalkulua,
nik behar dudan gauza bakarra
militante titulua.
I. Ajuria:
Pentsa egizu bertsolaritzan
alde, lagun, banagola,
legea bete nahi ez duenak
piztuten dauzta odola;
titulotxo bat hartu egizu
ondo izango zara hola,
ta kategori gehiagokoa
izango da bertso-eskola.
A.Sarasua:
Orain daukagun kategoria
ote dugu ba murritza?,
gaztetik hasi ta zaharretara
denok gustora gabiltza,
ta zuek diruz saldu nahirikan
Euskal Herriko bizitza...
Zuen eskutan jartzen badugu
akabo bertsolaritza!