Bertsos - Voir fiche Pour savoir plus sur cette section
1997-07-30 Amasa-Villabona Jaialdia [Bertsoa] / Unai Iturriaga, Sebastian Lizaso
Bertsoa entzun |
1997-07-30 Amasa-Villabona Jaialdia [Bertsoa] / Unai Iturriaga, Sebastian Lizaso
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
S.Lizaso:
Gaztea ez zabiltza
bide zuzenean,
gidatzen zeralako
gorputzan senean;
eta oilategia
zer zoramenean,
oiloak lo daudela
oilarra lanean! (bis)
Iturriaga:
Garai batean zana
oilarra bapoa,
orain ia ikusten da
bajatutakoa,
arrautzak izatea
ez baita nahikoa,
jarriaraztea da
egin beharrekoa. (bis)
S. Lizaso:
Zuk esan gabe hori
lehen ere banekin,
bizitzan lortua det
nahi hainbat etekin.
Oraindik moldatzen naiz
oilo gazteekin,
eta zu zer zabiltza
oilolokarekin? (bis)
Iturriaga:
Oilategia dugu
guk oiloz beteta,
oilaloka ez dabil
sekula gordeta;
nere sasoiak behar
baitu azterketa,
harekin egiten dut
lehen beroketa. (bis)
S.Lizaso:
Gazteakin ibili
zeuretzat mesede,
ikasi zazu edo
ondotikan alde!
Ta ez dezu egiten
kukurruku ere,
kapoia izateko
kandidato zaude. (bis)
Iturriaga:
Nere atributoak
ondo oraindio
ta gustora nagola
diotzut serio;
zure itxura horrekin
baina ez naiz fio,
saldatarako ere
ez duzu balio! (bis)