BDB Bertsolaritzaren datu-basea

Informazio orokorra

Kategoria

Bat-batekoa

Saioa

1997-07-30 Amasa-Villabona Jaialdia

Gai-jartzailea

Zeberio, Nikolas "Zeberio II"

Bertsolariak / Egileak

Iturriaga, Unai

Lizaso, Sebastian

Lana

Binaka gaia-emanda

Jarritako gaia

Tankera pixka bat badute eta, Sebastian oilar zaharra izango da eta Iturriaga oilar gaztea. Zaharra kexu da gaztea gauean gehiegi mugitzen dalako.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1997-07-30 Amasa-Villabona Jaialdia [Bertsoa] / Unai Iturriaga, Sebastian Lizaso

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

S.Lizaso:
Gaztea ez zabiltza
bide zuzenean,
gidatzen zeralako
gorputzan senean;
eta oilategia
zer zoramenean,
oiloak lo daudela
oilarra lanean! (bis)

Iturriaga:
Garai batean zana
oilarra bapoa,
orain ia ikusten da
bajatutakoa,
arrautzak izatea
ez baita nahikoa,
jarriaraztea da
egin beharrekoa. (bis)

S. Lizaso:
Zuk esan gabe hori
lehen ere banekin,
bizitzan lortua det
nahi hainbat etekin.
Oraindik moldatzen naiz
oilo gazteekin,
eta zu zer zabiltza
oilolokarekin? (bis)

Iturriaga:
Oilategia dugu
guk oiloz beteta,
oilaloka ez dabil
sekula gordeta;
nere sasoiak behar
baitu azterketa,
harekin egiten dut
lehen beroketa. (bis)

S.Lizaso:
Gazteakin ibili
zeuretzat mesede,
ikasi zazu edo
ondotikan alde!
Ta ez dezu egiten
kukurruku ere,
kapoia izateko
kandidato zaude. (bis)

Iturriaga:
Nere atributoak
ondo oraindio
ta gustora nagola
diotzut serio;
zure itxura horrekin
baina ez naiz fio,
saldatarako ere
ez duzu balio! (bis)