Bertsoak - Fitxa ikusi   Atal honi buruz gehiago jakiteko

2011-01-15 Getaria Jaialdia [Bertsoa] / Imanol Lazkano, Sebastian Lizaso

Bertsoa entzun  

Informazio orokorra

Kategoria
Bat-batekoa
Saioa
2011-01-15 Getaria Jaialdia
Gai-jartzailea
Zaldua, Ion
Bertsolariak / Egileak
Lazkano, Imanol
Lizaso, Sebastian
Lana
Binaka gaia-emanda
Jarritako gaia
Zuek biok lankideak zarete, egunkari berean lan egiten duzuen lankideak. Zu, Xebaxtian, politika gaiez arduratzen zara; Imanol, eskelez. Egunero bezala, bazkalorduan elkartu zarete, eta egunero bezala, zuen lanaz kexatzen hasi zarete.

Deskribapena

Doinua
Haize hegoak hurbiltzen ditu
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2011-01-15 Getaria Jaialdia [Bertsoa] / Imanol Lazkano, Sebastian Lizaso

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


S. Lizaso:
Ezin ukatu irakurria
jendeak dula irensten
ustegabean sartu ohi ditut
hainbat ziri eta ezten.
Politikoek nola ez duten
nere lanikan errezten
askotan zail da haien egiak
eta gezurrak bereizten. (bis)

I. Lazkano:
Gogorra degu politikari
eta honen arpegia
neurri batean onartu leike
baina hau da gehiegi.
Azkenaldian aspertzen ere
ni hasia nago ia
honena beti dena gezurra
nik zoritxarrez egia.

S. Lizaso:
Halabeharrez geure lanean
saiatzen gera bakoitza
ahalik ondoen betetzea da
gizalegean baldintza.
Nahiago nuke nik dudan lana
errezagoa balitza!
Maiz sukaldea aipatzen dute
ta ikuiluan dabiltza. (bis)

I. Lazkano:
Pena asko ta pozetik gutxi
ohi degu nere lanean
bainan gauz bera egin beharra
besterik ezin danean.
Zerbait badaukat pertson bakoitza
jartzen dedana onean
gaiztona ere on bihurtzen da
nik idazten dedanean.

S. Lizaso:
Zure lanaren emaitza beti
iluna bezain tristea
eta nik berriz eman nahi nuke
amesten den albistea
bidean gaude ta espero det
berehala iristea
“Oraingoan bai!” “Oraingoan bai!”
titularra idaztea. (bis)

I. Lazkano:
Bakina batek sala izan nau
“Zer ofizio ergela!
Hik nola kristo idazten diguk
guri hoinbeste eskela?”.
Poz bat badaukat azkenerako
gertatua gertauko dela:
neure eskela idatzi gabe
mundutik juango naizela.

Datu-base honetan eskainitako informazioari buruz jakiteko, kontsultatu lege oharra