Bertsoak - Fitxa ikusi Atal honi buruz gehiago jakiteko
2011-02-26 Sara Lagun-artekoa [Bertsoa] / Maialen Lujanbio
| Bertsoa entzun |
2011-02-26 Sara Lagun-artekoa [Bertsoa] / Maialen Lujanbio
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Amona dago kanposantuan
aspaldi bertan etzana
harrien pean gure arbasoak
eta gure iragana.
Buelta koxkor bat ta etorri zait
han pentsamentu andana
irten burua jiratu eta
ze esaldi zegoana:
"Zugatik laixter esango dute
gaur gutaz esaten dana". (bis)
Arduraz eta kezkaz egin det
azkeneko begirada
karratua ta marmolezkoa
han dago izen ilada
luzaro bizi nahi zuten batzuk
lurpean hor daude jada
berdin gazteak berdin umeak
eta berdin zaharrak hara!
Biharrik igual ez da helduko
gaur bizi egin behar da. (bis)
Nik ez nuke nahi betiko egon
harrizko lau hormen erdin
nik ez nuke nahi nere lagunek
hemen hartu dezaten min.
Egunen baten hilko banitza
hilko bainaiz denen berdin
ahaztu kutxak ta ahaztu eskelak
nahiz triste izan nahiz samin
bota airera nolabait ere
bizirik geratu nadin. (bis)
Datu-base honetan eskainitako informazioari buruz jakiteko, kontsultatu lege oharra