BDB Bertsolaritzaren datu-basea

Informazio orokorra

Kategoria

Bat-batekoa

Saioa

2011-09-24 Aizarnazabal Jaialdia

Gai-jartzailea

Olabide, Igor

Bertsolariak / Egileak

Peñagarikano, Anjel Mari

Lana

Bakarka gaia-emanda

Jarritako gaia

Jende askok jakin ez arren, Anjel Marik badu halako harreman berezi bat, badu halako feeling bat Habanera doinuarekin. Esplika ezazu nondik datorren feeling hori, noski, Habanera doinuan.

Deskribapena

Doinua

Baserrian jaio nintzan

Neurria / Estrofaren izena

Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)

Edukiari buruz

Pertsonak

Peñagarikano, Anjel Mari

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2011-09-24 Aizarnazabal Jaialdia [Bertsoa] / Anjel Mari Peñagarikano

Neurria:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Kokapena:  XDZ - Xenpelar Dokumentazio Zentroa 

---

Habanera kantatzen det
Xabier Leteren gisan
zenbat txalo jaso dedan
nik doinu honen gerizan!
Eta nolatan sortu zan
hemen behar al det esan?
Bueno ba esan behar det
entzuleak jakin dezan:
halako momentu onik
nere munduko bizitzan!
Frontoi batean izan zan
ta ez zen izan elizan
herria gogoratzen det
eta hain zuzen Alkizan
neskatxa polit batekin
maitemindu egin nintzan.

Habaneraren doinuan
nik zuen belarrik goza
melankolia omen da
oso doinu apraposa
ba doinu horrekin sarri
urratu izan det abotsa
baina behar zan unean
nik baztertu nuen lotsa.
Oraindik nik oroitzen dut
hango momentu bakoitza
ordun mutil gazte nintzan
aldamenean bildotsa
haren begiak ikusi
ta sentitu nuen poza
haretxek erdibitu zun
Anjel Mariren bihotza.

Urteak igaro arren
berriro oroitzera nua
sentimentuz gozatzea
hori da egitasmua
habanerak uxatzen du
nere barrengo mamua
doinu hau aukeratzeaz
ez det sentitzen damua
hain degu doinu sarkorra
hau ez da doinu ñañua
hau ez da inoren gezur
edota desengainua
habanerak uxatzen dit
begietako lainua
nere maitea zu zera
o Habanera doinua!