BDB Bertsolaritzaren datu-basea

Informazio orokorra

Kategoria

Bat-batekoa

Saioa

2011-10-22 Tolosa Lagun-artekoa

Gai-jartzailea

Perurena Olano, Alex

Bertsolariak / Egileak

Egaña, Andoni

Maia, Jon

Peñagarikano, Anjel Mari

Lana

Hirunaka gaia-emanda

Jarritako gaia

Denok dakizue baserritarrek badutela beren patroia: San Isidro; kamioizaleek ere badute patroia: San Kristobal; eta bertsolariek?

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2011-10-22 Tolosa Lagun-artekoa [Bertsoa] / Andoni Egaña, Jon Maia, Anjel Mari Peñagarikano

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

J. Maia:
Ia bertsolarien
santua nun dagon?
Ez degu ba San Pedro
ez eta San Anton
San Judas izan leike
zergatik ez? Kopon!
Sarri kobratzen degu
hogeita hamar txanpon. (bis)

A.M. Peñagarikano:
Guk abuztuan sarri
birjina, bestia...
Gero San Bartolome
nahi da ikustia
azaroan San Martin
odolkiz bustia...
Zuk San Kristobal dezu
guk kristo guztia! (1) (bis)

A. Egaña:
San Martin garrantzitsu
da bertsolaritzan
San Isidro giltzarri
koplari bizitzan.
Kobratzen degun arte
Maiak zion gisan
neri berdin-berdin zait
nahiz Santander izan! (bis)

J. Maia:
Baina ez da Santander
ez da Santiago
zer santu jakiteko
ez naiz horren mago
esan leizke izenak
mila ta gehiago
baina bertsolaritan
santurik ez dago! (bis)

A.M. Peñagarikano:
Santua guk zein degun
horrek hala dio
zutaz nik pentsatu det
serio-serio (2):
beti txapeldun haundi
santua dedio!
Bai baina badaukagu
guk San Antonio. (bis)

A. Egaña:
Santu ta santak daude
sekulako pila
Anjel jartzea ez da
gauza borobila
baina San Juanen alde
mila eta mila
baina hurrengo urtean
bueltatu dadila! (bis)

J. Maia:
Ba nik uler nezake
Peñak dioena
San Antonio hautatu
diguzu izena
kontutan hartu ezkero
txapelketarena
lehen San Antonio zen
orain Madalena. (bis)

A.M. Peñagarikano:
Orain hau da burura
etorritakua:
hamaika aldiz kopla bat
kantatutakua
hau baldin bada santu
santu Zarauzkua
hamaika neska gazte
uztartutakua! (bis)

A. Egaña:
Antonio, Madalena
biak erdi mito
santu bat ipintzea
zeinen plan ijito!
Santak ez dute egin
hainbeste merito
erdibide batean
Sandra eta kito! (bis)

J. Maia:
Santa esan nahi zendun
ez al da arraro?
Hemen aritu gera
bilaka pikaro
hau ez da aklaratuko
ta seguru nago
ez degu bat adosten
beraz sanseakabo! (bis)

(1) Gai-emailea, Alex Perurena, kamioilaria da.
(2) Egañari begira kantatu zuen.