2013-10-26 Oion Txapelketa [Bertsoa] / Manex Agirre, Eneritz Zabaleta

Bikotea zarete. Atzo zuen alaba zigortu zenuten, eta ez du baimenik gaur gauean irteteko. Zuek afaria duzue lagunekin, eta zuri Manex, Eneritzek proposatu dizu zu geratzeko etxean alabarekin.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

Argitalpen datuak

Argitalpenaren izenburua

Bertsolari Txapelketa Nagusia 2013 [Liburua]

2013-10-26 Oion Txapelketa [Bertsoa] / Manex Agirre, Eneritz Zabaleta

Neurria: Zortziko txikia (hg) / Lau puntuko txikia (ip) Argitalpenaren izenburua: Bertsolari Txapelketa Nagusia 2013 [Liburua]
Kokapena: XDZ - Xenpelar Dokumentazio Zentroa

M. Agirre:
Tratu ederra bota
didazu gaur lasai
ni etxean eta zu
poteatzeko gai.
Zure trukoa Eneritz
harrapatu dut ai:
alaba zigortuta
eta ni ere bai! (bis)

E. Zabaleta:
Horrek lehen ez zintuen
askorik kezkatzen.
Afaria heldu ta
hasirik hausnartzen
hasi zaitezke orain
etxean geratzen
alaba zigortzea
zure ideia zen. (bis)

M. Agirre:
Ta probetxu atera
ideiaren truke
zu holakotarako
nun hezi zaituzte?
Kristoren desfasea
bota nahi zenuke
baina jada ez dituzu
hemezortzi urte! (bis)

E. Zabaleta:
Egia da gainean
badaukat itzala
ile xuri batzuek
tripa ez apala
baina jakizu gaua
egingo dudala
nik hemezortzi urte
banitu bezala! (bis)

M. Agirre:
Hemezortzi urte bai
baina urteak gehi
hori pasatzen zaie
zu lakoxe aitei.
Bihar resakak egin
behar dizunez dei
gauez hemezortzi ta
goizean berrogei! (bis)

E. Zabaleta:
Gogor ezarri zinen
heziketa kari
beraz tori etxean
gau hori opari.
Ni parrandara noa
lasai ta kantari
serio aurpegia
jarri alabari! (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko