Bertsoak - Fitxa ikusi Atal honi buruz gehiago jakiteko
2013-12-15 Barakaldo Txapelketa 16:15 [Bertsoa] / Aitor Mendiluze
| Bertsoa entzun |
2013-12-15 Barakaldo Txapelketa 16:15 [Bertsoa] / Aitor Mendiluze
Neurria:
Hamaikakoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Argitalpenaren izenburua:
Bertsolari Txapelketa Nagusia 2013 [Liburua]
Kokapena:
XDZ - Xenpelar Dokumentazio Zentroa
Arrantzontzian kresaletan blai
ez asteburu ez luzeko jai
han Senegalen ikasi eta
ustez badet nahiko dohai. (bis)
Baina inor ez dago lasai
antza asko lan honen zai
nik betetzen det eta ai!
Orain gorrotoz zuzentzen zaizkit
ta ez naiz ulertzeko gai
itsasoratu nintzen garaian
inork ez zuen joan nahi. (bis)
Portutik irten da baporea
zai daukat sare, talde, ohea
baina portuan utzi dudana
ez da oso dotorea. (bis)
Lanerako adorea
neuregan daukat gordea
askok ez du nahi ordea
ta gauza ez da azal zuria
edo beltza den hobea
gaur egun denen arazoa da
diruaren kolorea. (bis)
Ez naiz sentitzen horko erregea
ez esklabua, ez titerea
denek bezela soldata baizik
ez baita nere xedea. (bis)
Honetan banaiz trebea
saiatzea det legea
neuretzako mesedea
ta portukoek konprenituko
dutela badet fedea
neuk ere pena dudala baina
errua ez dela nerea. (bis)
Datu-base honetan eskainitako informazioari buruz jakiteko, kontsultatu lege oharra