Bertsoak - Fitxa ikusi Atal honi buruz gehiago jakiteko
2013-04-19 Gasteiz Jaialdia [Bertsoa] / Unai Iturriaga, Maialen Lujanbio, Jon Maia
2013-04-19 Gasteiz Jaialdia [Bertsoa] / Unai Iturriaga, Maialen Lujanbio, Jon Maia
Neurria:
Lauko handia (hg) / Bi puntuko handia (ip)
Kokapena:
XDZ - Xenpelar Dokumentazio Zentroa
U. Iturriaga
Nik plazeraren goren bezala
aizue bikotea daukat
eske informatikoa naiz ta
dena da zero edo bat.
J. Maia
Ba niretzako sexoa ona da
gurutzatzen den unean
zer heltzen duzun eta zerk heltzen
zaitun ez dakizunean.
M. Lujanbio
Neri beste bat aguantatzeko
bukatu zait pazientzia
onena autodeterminatzea
eta independentzia.
U. Iturriaga
Alboko honek dio hobe dala
izan hiru ta igual lau
zenbat garen ez jakite horrek
odolkitu egiten nau.
J. Maia
Nere ustetan zure barruan
bakardadea daukazu
anexionatu nahiean dagon
Trebiñotxo bat zera zu.
M. Lujanbio
Nere buruak nahikoa amets
eiten baitu seguraski
nik nahi badet bi izaten gera
ta nahi badet hamazazpi.
U. Iturriaga
Nik ulertzen dut berak beretzat
bakarrik eragitea
umetan ere ez zun pasatzen
gusanitos paketea.
J. Maia
Eta ni ez naiz inoiz nekatzen
multitudean erdira
eurak ez dira nitaz oroitzen
bai bai oroituko dira.
M. Lujanbio
Ba ni berriz’e nere buruaz
hala aukeratuta nahita
sosteniblea, berdea eta
reziklagarria baita.
U. Iturriaga
Azken batean onena beti
bakoitzak duen mota da
pozten naiz zuek ezagutzeaz
banoa misiotara.
J. Maia
Ba ni zurekin noa ba haruntz
uzten ditut gaurko markak
ezin det eutsi ezker ta eskubi
ja bi pertsona badauzkat.
M. Lujanbio
Zuk ezin dezu ba nik eutsiko
diot bai nekarren horri
zuek misiota bazoazte ta
Trebiñora ez etorri!
Datu-base honetan eskainitako informazioari buruz jakiteko, kontsultatu lege oharra