Bertsoak - Fitxa ikusi   Atal honi buruz gehiago jakiteko

2017-07-08 Iruñea Jaialdia [Bertsoa] / Uxue Alberdi, Aimar Karrika

Bertsoa entzun  

Informazio orokorra

Kategoria
Bat-batekoa
Saioa
2017-07-08 Iruñea Jaialdia
Gai-jartzailea
Ansa Zugarramurdi, Maider
Bertsolariak / Egileak
Alberdi, Uxue
Karrika, Aimar
Jarritako gaia
Ama-semeak zarete. Uxue, zure semetxoari hogei euro eman dizkiozu jaietan gastatzeko. Umeak ez direla aski dio. Zuk, amak, demostratu nahi diozu eguna ederki pasa daitekeela hogei eurorekin. Gaur elkarrekin atera zarete.

Deskribapena

Doinua
Manuel Narruk atzo esan dit C
Neurria / Estrofaren izena
Zortziko handia (hg) / Lau puntuko handia (ip)
Bertso kopurua
8

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2017-07-08 Iruñea Jaialdia [Bertsoa] / Uxue Alberdi, Aimar Karrika

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

A. Karrika
Izozkitxo bat zazpi eurotan
erosi eta amesti
tira-pitxoan zortzi bat tiro
txanponak ez doaz ezti
gero globo bat hamar eurotan
nere ustetan garesti
ohartu zaite amatxo maite
hogei euro ez da aski.

U. Alberdi
Tiro-pitxoian nola zabiltza
zu hamabost urterekin?
Heldu zaidazu, tabernetara
etorri zaitez nerekin.
Nahiz ta tragoak garestiago
daudela askozez jakin
guk poteoa egiten gendun
bostehun pezetarekin.

A. Karrika
Dena gezurra kontatu diot
baina ama moderna da ño!
Ta lehen kolpetik eramana nau
kolpez ni tabernaraino
moderna zara baina zaharra
ta ene zenbat desengaino!
Garaiak asko aldatu dira
zure garaitik honaino.

U. Alberdi
Sanferminetan sobera daude
deskantsua ta jatea
ta onena da esnatu orduko
jende artera joatea
diru gutxikin disfrutatzeko
trikimailua, maitea
sekretua da poliki edan
ta asko hitz egitea.

A. Karrika
Baina gehiegi hitz egin dugu
biok etxean lehenago
lagun artean izan ninteke
amatxo festaren mago
baina aspergarri da edatea
zurekin hiru lau trago
amatxorekin irtetea baino
tristeagorik ez dago.

U. Alberdi
Itxura danez sentitu zara
nere ondoan arraro
eta ni berriz sentiarazi
zaharra baino karrozago
baina halere ordaindu ditut
hamarretik zortzi trago
amatxorekin irtetea baino
merkeagorik ez dago.

A. Karrika
Merkea da bai baina beztua
dabilkit ene kopeta
hartu hogei euro ta tonbolara
joan gaitezen puñeta!
Minimotoa nahi nuke nik
ta bestela bizikleta
zuk etxeraino iristeko`re
ordua baduzu eta!

U. Alberdi
Minimotoek eta globoek
jartzen zaituzte topera
ta amak berriz goizalderarte
nahiko lukeela atera
adoleszentzi betean sartu
eta umetu ostera
bihar goizean joango gera
erraldoiak ikustera.

Datu-base honetan eskainitako informazioari buruz jakiteko, kontsultatu lege oharra