Bertsoak - Fitxa ikusi   Atal honi buruz gehiago jakiteko

2017-08-09 Gasteiz Jaialdia [Bertsoa] / Asier Otamendi, Ruben Sanchez

Bertsoa entzun  

Informazio orokorra

Kategoria
Bat-batekoa
Saioa
2017-08-09 Gasteiz Jaialdia
Gai-jartzailea
Del Alamo, Nieves
Bertsolariak / Egileak
Otamendi, Asier
Sanchez, Ruben
Lana
Binaka gaia-emanda
Jarritako gaia
Bikiak zarete zuek. 1971n teknologia berberarekin eraikitako bi zentral: Asier Otamendi "Fukushima", eta Ruben Sanchez "Garoña".

Deskribapena

Doinua
Uso xuria errazu A
Neurria / Estrofaren izena
Seikoa, handiaren moldekoa, 4 puntuz (hg) / Lau puntukoa, handiaren moldekoa (ip)
Bertso kopurua
7

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2017-08-09 Gasteiz Jaialdia [Bertsoa] / Asier Otamendi, Ruben Sanchez

Neurria:  Seikoa, handiaren moldekoa, 4 puntuz (hg) / Lau puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 


A. Otamendi
Bi zentral biki hain zuzen
elkarrizketara goazen. (bis)
Setentayunon sortuak biok
ni leherketaz joan nintzen
zu gutxienez utzi zaituzte
hor pake-pakean hiltzen. (bis)

R. Sanchez
Nahiz eta ez egon gertu
modu berean gu sortu (bis)
pake-pakean hil naizenik’e
esatera ez ausartu
mila grieta banuen eta
azkenean ez naiz lehertu. (bis)

A. Otamendi
Nerea ez zen izan txantxa
baizik leherketa latza (bis)
eta gustora ikusi dut nik
zuk eraman duzun martxa
gutxienean ez duzu sortu
nik sortu nuen triskantza. (bis)

R. Sanchez
Nahiz ta hori ez ukatu
nere martxa zen pekatu. (bis)
Garoña itxi dutela baina
pixka batean pentsatu
toxiko hondakin pila bat dauzkat
ta afera ez da bukatu. (bis)

A. Otamendi
Garbitzen badago lanik
hortan ez da zeresanik (bis)
hondakin pila omen duzu zuk
hondakin pila daukat nik
hemen inortxok ez beza pentsa
betirako joan garenik. (bis)

R. Sanchez
Arazoa ez utzi aparte
hemen ez lasai ta ez bake (bis)
gutxi batzuak itxi ta hala’re
beste batzuk hor jo ta ke
ezin geratu gara gu inor
guzti-guztiak itxi arte. (bis)

A. Otamendi
Denak ixteko zioak
badatoz okasioak (bis)
gure patua izan bezate
hoiek geure desioak
eltze presioak isildu nindun
ta zu herri presioak. (bis)

Datu-base honetan eskainitako informazioari buruz jakiteko, kontsultatu lege oharra