Bertsoak - Fitxa ikusi Atal honi buruz gehiago jakiteko
1982-05-15 Tolosa Txapelketa [Bertsoa] / Joxe Fermin Argiñarena
| Bertsoa entzun |
1982-05-15 Tolosa Txapelketa [Bertsoa] / Joxe Fermin Argiñarena
Kokapena:
XDZ - Xenpelar Dokumentazio Zentroa
Lana jartzean korapilo bat
barnean jarritzen zaigu
bainan aurrera begira nahiez
zerbait egin dezakegu
Euskal Herriai begira jarri
hainbeste lan badaukagu
eta konpontzen hasi nahiean
zer egin ugari degu
bainan elkartzen ez bagerade
lortzea ezina degu. (bis)
Irrintzi asko ilusiotan
irtetzen dira aidea
bainan ikusten da nola dagon
itzalpeko senidea
neroni bihar gerta ninteke
ETA beraren kidea
eta askotan utzi beharra
hemen bakoitzan idea
herriari begira zaiozu
eta har arren bidea.
herriari begira zaiozu
eta hartu arren bidea.
Hainbeste mutil bada Euskal Herrin
burrukarako gertuko
bainan noizbait'e hazi horixe
lurpean zaigu lehertuko
eta egarri degun ametsa
ere da noizbait da lortuko
bainan bide bat batasunean
guztiok degu hartuko
eta herriarentzat gerala
inoiz ez gera ahaztuko. (bis)
Datu-base honetan eskainitako informazioari buruz jakiteko, kontsultatu lege oharra