Bertsoak - Fitxa ikusi Atal honi buruz gehiago jakiteko
2006-12-25 Larrabetzu Jaialdia [Bertsoa] / Arkaitz Estiballes
| Bertsoa entzun |
2006-12-25 Larrabetzu Jaialdia [Bertsoa] / Arkaitz Estiballes
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Aurreztearen mezu txiki bat
karta batean dakarte;
herritarreri eskatu baina
gero eurek ezin bete:
milaka argiz beterik kale
lehio eta hainbat ate;
milaka argiz dago Areatza
ta hainbat eskaparate?
argiak jartzen dituzte baina
argi asko ez daukate. (bis)
Beraiek fijo dutela etxe
haundi bat ta ez apala.
Lehenengo hotzak sentitu eta
beroa nahi berehala;
udan daukate aire girotua
split bat zabal-zabala
ta apagoiren bat egonez gero
hauen kasuan normala
kapazak dira martxan jartzeko
Lemoizeko zentrala. (bis)
Nik ulertzen dut argia dela
umearen poztasuna;
Gabon giroak nori ez dio
ekartzen alaitasuna?
Baina energiak kostu bat dauka
denontzako ezaguna;
ta gaur argia dagoen bezala
etorri leike iluna
hemen eskutan daukagulako
guztion etorkizuna. (bis)
Datu-base honetan eskainitako informazioari buruz jakiteko, kontsultatu lege oharra