Bertsoak - Fitxa ikusi Atal honi buruz gehiago jakiteko
2006-09-23 Oñati Jaialdia [Bertsoa] / Amets Arzallus, Aitor Mendiluze
| Bertsoa entzun |
2006-09-23 Oñati Jaialdia [Bertsoa] / Amets Arzallus, Aitor Mendiluze
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
A. Mendiluze: Jo ze ondo mutil bat
badakarkizula!
Gaur beste bat! "Ez ama
hura utzi nula...";
hiru, lau, bost eta sei
joder a ze burla!
Alaba esan egia
ta ez disimula:
ziur al zaude norbait
gustatzen zaizula?
A. Arzallus: Imanolek bazuen
horrenbeste grazi
eta Andoni ere
ez nezake ahantzi;
nola esan Ibon ta
nola esan Patxi...
Egia esan ez dira
izan oso gutxi
ta eskerrak beste sei
ez ditun ikusi!
A. Mendiluze: "Kaixo" bi musu eman
eta berriz "Aio!";
hobe ez ikustea
beste zenbait saio!
Beti zatoz mutiko
berrien karraio;
probatu nahi dunari
utzi behar zaio
baino hamahirutatik nork
probatzen du gehio?
A. Arzallus: Galdera egin duzu
nahiko bihurria
eta irudimenez
hain nago urria...
Ama luza zaidazu
hara belarria;
hau da zure alabak
dabilkin neurria:
hilabete bakoitzak
nobio berria.
A. Mendiluze: Horrela ote dira
Ametsen ametsak?
Bezperako larrosak
goizerako beltzak;
beste bat topatzeak
lehengoen defentsak
ta txarrik nahi ez denez
alaba batentzat
zeuk uzten dituzula
esaidazu behintzat!
A. Arzallus: Ausardia izan dut
batzuk lagatzeko
besteetan gertatu da
aurrekoz atzeko
baina esplikatuta
askozaz hobeto:
ama asmoa daukat
denak probatzeko
aita bezelako bat
senar ez hartzeko.
A. Mendiluze: Bale estimatzen da
daukazun irrika;
bestela balitz egin
behar nun errita
baina izen gutxi ez dezu
hona ekarri ta
hurrena berriren bat
berriz ekarrita
izena pegatinan
petxuan jarrita.
A. Arzallus: Tira oraintxe daukat
momentu larria
ni hontara ez nintzen
hona etorria.
Ama isildu zaite
itxi iturria!
Presentatu behar dizut
nobio berria
ta izena oraindik
ez dauka jarria.
Datu-base honetan eskainitako informazioari buruz jakiteko, kontsultatu lege oharra