Bertsoak - Fitxa ikusi   Atal honi buruz gehiago jakiteko

2006-02-24 Azpeitia Sariketa [Bertsoa] / Beñat Gaztelumendi, Beñat Lizaso

Bertsoa entzun  

Informazio orokorra

Kategoria
Bat-batekoa
Saioa
2006-02-24 Azpeitia Sariketa
Gai-emailea
Uranga, Jokin
Bertsolariak / Egileak
Gaztelumendi, Beñat
Lizaso, Beñat
Lana
Binaka gaia-emanda
Jarritako gaia
Zuek erietxean topo egin duzuen bi emakume zarete. Begi bana duzue ubeldurik.

Deskribapena

Doinua
Haize hegoak hurbiltzen ditu
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2006-02-24 Azpeitia Sariketa [Bertsoa] / Beñat Gaztelumendi, Beñat Lizaso

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


B. Lizaso: Berrogeita bi urte jadanik
senarrarekin bizitzen;
guk egunero hamaika irri
ta beti alkar maitatzen.
Atzo gauean ordea gauza
arraro bat pasatu zen:
argia joan zan etxean eta
lurrera erori nintzen. (bis)

B. Gaztelumendi: Nik'e aitzakia bezela hartu
izan det argiarena
baino gezurra esan biharrak
azkenian eman pena.
Senarrak eman dit neri mina
ta hori ez da txarrena:
okerrena da ez naizela ni
laguntza behar duena. (bis)

B. Lizaso: Ubeldurikan daukat begia
ta bi hankak mailatuak;
esan nahi ditut gure etxean
izan diran pekatuak:
estropozu bat egin nuen bart
orduan ziren kontuak...
Edozein toki dauka ohetzat
katu madarikatuak! (bis)

B. Gaztelumendi: Katua aipatu ta ez dezu esan
egia dioen hitzik.
Jarrera hortan zuk ez daukazu
lagunduko dizun gauzik.
Nik'e etxean aizu badaukat
izatez katu bortitzik
ta kilimarik ez dit egiten
muturrekoak jo baizik. (bis)

B. Lizaso: Beraz katua basati dabil
hargatikan zaude kexu.
Aizu gizonak jo egin zaitu
itxura hori daukazu;
sendatu nahian ospitalera
nere albora zatoz zu;
nere laguntza behar badezu
ondoan izango nauzu. (bis)

B. Gaztelumendi: Ta jakin zazu horregatikan
esker onez naukazuna;
utzi itzazu zurikeriak
hartu ezazu zentzuna!
Ospitaletik epaitegira
zatoz nerekin laguna
botika ordez gaixotasun bat
delako isiltasuna. (bis)

Datu-base honetan eskainitako informazioari buruz jakiteko, kontsultatu lege oharra