Bertsoak - Fitxa ikusi Atal honi buruz gehiago jakiteko
2006-05-07 Durango Jaialdia [Bertsoa] / Aitor Mendiluze
Bertsoa entzun |
2006-05-07 Durango Jaialdia [Bertsoa] / Aitor Mendiluze
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Neurria: hamarreko handia
Doinua: Hil da Canovas, fuera Canovas
Nere organo hauen aurrean
bat aukeratu beharko.
Zuek bezela nik pentsatu det
ez daudela horren bapo;
bihotza hartu aurrean eta
pentsatu det kanporako:
"Bale ondo da badabil baina
ez da ona neuretzako
sentitu nahiko nukeenarentzat
txikiegia delako". (bis)
Beste bat kendu beharko eta
aukeran zenbat ahalegin...
Aukeratu nahi ta aukeratu
beharko bi begi urdin;
egia da bai serbitu naute
beti egoki beti fin
baina malkorik ez dute eta
nahiz eta izan nahiko min
malko gabeko begi hoiekin
ezin da farrerik egin. (bis)
Hain serioa zergatik izan?
Zertan hainbeste aitzaki?
Erdi bromatan baina mingaina
kentzea det erabaki;
neri begira egon direnek
esan izan dute beti
bertsotan bertan hasiagatik
joaten naizela urruti;
beraz mingainak fallo bat badu:
geldi egoten ez daki.
Neurria: hamarreko txikia
Doinua: Agur sagar beltzeran
Nere bost organoak
eskuen titere
aukeratu beharko
zein dedan mesede;
baina zenbat beldur ta
zenbat kezka lege...
Garuna zertan kendu
dudan alafede!
Honek ez du balio
aukerako ere!
Neurria: hamarreko handia
Doinua: Mundu honetan halako gauzak
Doinuak eta hitzak lotzeko
beti arnasari tira;
behar zena ta behar zenean
eduki banu sikira!
Baina birika lehor hauekin
iritsi naiz urrutira
eta bat gorde behar baldin badet
neretzat ere hori da
azken arnasa eman dezadan
itsasoari begira.
Datu-base honetan eskainitako informazioari buruz jakiteko, kontsultatu lege oharra