Bertsoak - Fitxa ikusi Atal honi buruz gehiago jakiteko
2006-09-01 Zarautz Sariketa [Bertsoa] / Ander Lizarralde Jimeno
Bertsoa entzun |
2006-09-01 Zarautz Sariketa [Bertsoa] / Ander Lizarralde Jimeno
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Nahi duen harek sekula santan
ez du borondate txarrik;
orain artean beste aldera
begira daude alperrik
baina saiatu ezean inoiz
ez da egiten okerrik
bizitu dugun hau ez dulako
bizitu hainbeste herrik.
Azpijokoan betikoak ta
ez zaigu falta ankerrik
baina mahai bat ezin da eutsi
bi hankarekin bakarrik.
Beti agintzen dauden pertsonak
ez ditugu egokiak:
sendatu partez zaleak dira
nola egin ebakiak.
Bik nahi badute agudo hartu
daitezke erabakiak
ta hortik aurrera esandakoak
denak dira aitzakiak.
Lapur zikinez besterik hemen
ez dira bete tokiak
mahaiaz hizketan dabiltza baina
non gorde dira aulkiak?
Udara lasai utziko dugu
iraila heldu da jada;
utzi ta utzi azkenerako
hau hilabete ilada!
Agian nahirik ez dagolako
izango da beharbada;
diruarekin soilik sortu ohi
zaie eskutan dardara.
Bultza dezagun denok batera
herria baldin bagara;
hemen mahairik ez dugu behar
hemen hizketa behar da.
Datu-base honetan eskainitako informazioari buruz jakiteko, kontsultatu lege oharra