Bertsoak - Fitxa ikusi Atal honi buruz gehiago jakiteko
2005-02-25 Elgeta Jaialdia [Bertsoa] / Unai Agirre Goia, Iñaki Murua
Bertsoa entzun |
2005-02-25 Elgeta Jaialdia [Bertsoa] / Unai Agirre Goia, Iñaki Murua
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
U. Agirre:
Zuk nahi dezu erosi
ta nik irabazi
biak konpon gintezke
gu primeran kasi;
zaila ez dago eta
badakit non hasi:
manta zahar hori kendu
ezazu lehenbizi! (bis)
I. Murua:
Horixe egin nahi dut
hori dut ardura
atorra jantzi eta
txapela burura.
Euskeraz deus ez dakit
gehiagon modura
gutxinez hartu nahi dut
euskaldun itxura. (bis)
U. Agirre:
Hori batzuetan da
hemen nobedade
ni asko poztutzen naiz
ta biontzat hobe;
baina zure itxura
bailegoke grabe
txapelikan ez jantzi
zimak moztu gabe. (bis)
I. Murua:
Laister naiz barberian
zima dariola
zapela jaztea nahi
asko zait ajola;
ezin nezake Elgetan
jarraitu inola
kalen markatzen naute
jende denek hola.* (bis)
U. Agirre:
Ezin ibil zintezke
zu lotsa karraio.
Nahiz eta hemendikan
zu urruti jaio
entrenatzen egingo
ditugu bi saio:
hola egiten dunari
hola egiten zaio.** (bis)
I. Murua:
Aizu ikasle ona naiz
ikasten det di-dan
baina jende gaiztoa
badabilkit jiran;
batek hola egin zidan
nik hola segidan
ta berak berehala
hola egin zidan.*** (bis)
Datu-base honetan eskainitako informazioari buruz jakiteko, kontsultatu lege oharra