BDB Bertsolaritzaren datu-basea

Informazio orokorra

Kategoria

Bat-batekoa

Saioa

2007-08-07 Gasteiz Jaialdia

Gai-emailea

Altube, Amaia

Bertsolariak / Egileak

Ibarra, Iratxe

Lujanbio, Maialen

Lana

Binaka gaia-emanda

Jarritako gaia

Nafarroako Gobernua osatzeko negoziazioak nola doazen jakin behar dugu orain. Alde batetik, Maialen, Fernando Puras izango dugu; eta Iratxe, Patxi Zabaleta.

Deskribapena

Doinua

Bertsuak jarri dizkat

Neurria / Estrofaren izena

Seiko txikia (hg) / Hiru puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2007-08-07 Gasteiz Jaialdia [Bertsoa] / Iratxe Ibarra, Maialen Lujanbio

Neurria:  Seiko txikia (hg) / Hiru puntuko txikia (ip) 
Kokapena:  XDZ - Xenpelar Dokumentazio Zentroa 

---

M. Lujanbio: Esan behar dedana
Patxi juxtu zer da?
Hasi zaitez zu, egin
zaidazu galdera
ta erantzungo dizut
horren arabera. (bis)

I. Ibarra: Galderarik ez daukat
egon zaite lasai!
Burruka egin behar duzu
burruka egin bai
ze zure nagusiek
ez nabe ikusi nahi. (bis)

M. Lujanbio: Ez zaituzte ikusi nahi
badakit badakit
ta ezkutuka gabiltz
juxtu horregatik
zukin ez ibiltzeko
aitatxok esan dit. (bis)

I. Ibarra: Aitak emongo deutsu
kontseju ugari
baina heldua zara
ta portatu argi
zuk egiozu kasu
zeure bihotzari. (bis)

M. Lujanbio: Erreza izango danik
ez zait iruditzen;
bihotzari kasu egin nahiz
hortan ari nintzen
baina bila ari naiz
ta ez dut aurkitzen. (bis)

I. Ibarra: Ba jardun behar dozu
topau beharrean
edo neuk azalduko
deutsut indarrean
bihotza nun dagoen
hemen ezkerrean. (bis)

M. Lujanbio: Beraz hor omen dago
taupaka dilindan
erdi parean baina
ezkerreko jiran;
ba eskubian zegola
Sanzek esan zidan. (bis)
I. Ibarra: Sanzek esango deutsu
hori ziur esan
baina ez zaite hasi
zu Sanzekin dantzan
harena eskumara
aspaldi joan zan. (bis)

M. Lujanbio: Ta orduan bihotzak
kabi hori non du?
Ezin naiz aklaratu
ezin ezer ondu
banijoa hemendik
ta zuek kopondu! (bis)