BDB Bertsolaritzaren datu-basea

Informazio orokorra

Kategoria

Bat-batekoa

Saioa

2007-08-19 Bilbo Jaialdia

Gai-emailea

Eizmendi, Jon

Bertsolariak / Egileak

Colina, Sustrai

Iturriaga, Unai

Lizaso, Sebastian

Paya, Xabi

Lana

Launaka gaia-emanda

Jarritako gaia

Jaietan pankarta asko ikusten ditugu han eta hemen. Zuek lau pankarta zarete, lau pankarta desberdin. Zer dago idatzirik zuen baitan.

Deskribapena

Doinua

Kantore berri xarmant batzuek

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2007-08-19 Bilbo Jaialdia [Bertsoa] / Sustrai Colina, Unai Iturriaga, Sebastian Lizaso, Xabi Paya

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

X. Paya: Ni txosna baten jarria nago
han sortzen dut ikusmira
ta zera diot letra haundiz: "EUSKAL
PRESOAK EUSKAL HERRIRA";
nire moduan beste hainbeste
beste hainbat lekutan dira
nahiz ta nahiago nukeen guztiak
sobran egongo balira. (bis)

U. Iturriaga: Jaiak ez dira soilik izaten
parrandak eta gaupasak
nahiz eta danok maite doguzan
aste bateko demasak
Bi esaldi dauz nire pankartan
esaldi erraz-errazak:
"Jai herrikoien alde lan egin
gora Bilboko konpartsak!". (bis)

S. Colina: Nik mezu zahar bat daukat niregan
oroitu bedi gaupasan:
"Babosorik ez eta eraso
sexistarikan ez jasan!".
Jar nazatela Santiago erdian
edo Areatzako plazan
hurrengo urtean jarri beharrik
izango ez den esperantzan. (bis)

S. Lizaso: Hauen ondoan ni're hemen naiz
ba ote dut indarrikan?
Nere mezua segi ezkero
ez da izango liskarrikan;
nere mezua Azkunarentzat
nahiz agian alferrikan:
Bilbon banderaik ez dala behar
ikurrina bakarrikan. (bis)