Bertsoak - Fitxa ikusi Atal honi buruz gehiago jakiteko
2007-07-08 Amoroto Jaialdia [Bertsoa] / Gregorio Larrañaga "Mañukorta", Xabier Silveira
Bertsoa entzun |
2007-07-08 Amoroto Jaialdia [Bertsoa] / Gregorio Larrañaga "Mañukorta", Xabier Silveira
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
X. Silveira: Nik borondate asko
jartzen dut festen alde
ta bart ibili nintzen
ganorarik gabe
hona ganorarekin
heldu naiz hala're
izan nahi nukeelako
Mañukortan pare.
Mañukorta: Lesakan ibili naiz
ni neskari zirriz
eta hainbeste jente fin
ipiniak irriz...
Ni aina izatia
Silveira egarriz....
Baina hortako jaio
beharko dek berriz.
X. Silveira: Espabilatzeko zen
zure erantzuna
baina ez dut nik bakarrik
erantzunkizuna:
zu ere bart Lesakan
zenbiltzan laguna
baina ez zen neska bat
gerritik zenuna.
Mañukorta: Mañu hantxe zebilen
San Fermin jaietan
bi neska polit jator
euskaldun benetan;
laztanak emanikan
beren ezpanetan
negarrez utzi ditut
goizeko hiruretan.
X. Silveira: Zu ere oso abila
zara parrandetan
bueno parrandetan ez
gehiago nesketan.
Zuk negarrez utziak
goizeko hiruretan
penaz hilko ote ziren
hiru t'erdietan?
Mañukorta: Neska bat zan isila
bestia umila
hirurok egin gendun
guk hor trago pila
ta alkarri esaten
hizketan abila
oraintxe dijuena
izan den mutila.
X. Silveira: Barkatu zuentzat igual
da sorpresa itzela
baina Mañu jakinik
hola ibiltzen dela
entzuna nago Igor
Elortza bezela
zu ere udan aita
izango zarela.
Mañukorta: Jangoikomendikoa
beti dek zezena
edozertako baitet
behar dan ahalmena
ta neska kontu hortan
beti naiz onena
lehen ere eukiko'itut
dozenerdi dozena...
Datu-base honetan eskainitako informazioari buruz jakiteko, kontsultatu lege oharra