Bertsoak - Fitxa ikusi Atal honi buruz gehiago jakiteko
2007-12-08 Markina-Xemein Jaialdia [Bertsoa] / Anjel Mari Peñagarikano
2007-12-08 Markina-Xemein Jaialdia [Bertsoa] / Anjel Mari Peñagarikano
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Euskal Herria menpean dago
nagusi espainiarra
etxe askotan dago samina
malkoa eta negarra.
Euskal Herriko zeru gainean
trumoia eta danbarra
ta laino beltzek estaltzen dute
askatasunan izarra;
itxaropena degu hala ere
galtzen ez degun bakarra. (bis)
Gure etxean nausi arrotza
goiko mailara igota
gazte askotxok jipoi galantak
berekin dauzka jasota
etsai maltzurrek berea egin
bestek ez die inporta
baina benetan nik esango det
ta hartu zazue nota:
ezin gentzake horrela segi
anaiak anaien kontra. (bis)
Lehenago ere kalte haundia
daukagu hemen egina
batzuek preso bestek aberats
horrek ematen dit mina
ez litzateke horrelakorik
danok batuko bagina
eser gaitezen mahai batean
egin daigun esamina
eta ohartu España dela
gure etsairik haundina. (bis)
Datu-base honetan eskainitako informazioari buruz jakiteko, kontsultatu lege oharra