Bertsoak - Fitxa ikusi Atal honi buruz gehiago jakiteko
2009-10-30 Irun Jaialdia [Bertsoa] / Sebastian Lizaso, Maialen Lujanbio
| Bertsoa entzun |
2009-10-30 Irun Jaialdia [Bertsoa] / Sebastian Lizaso, Maialen Lujanbio
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
S.Lizaso:
Rotonda bati begira gaude
ai zer-nolako parea!
Aukera degu loreetatik
dena horren dotorea!
Erabakia zuzen hartzea
zail izaten da ordea.
Denen gustoa ez degu egingo
egin dezagun geurea. (bis)
M.Lujanbio:
Hemen ditugu aukeratzeko
aukera gutxitakoak
nahi ditugunak hobe da jarri
ez jefek utzitakoak
konbinatu ondo ein behar dutenak
ta ondo bustitakoak
ze hemen polizik egoten dira
kolore guztitakoak. (bis)
S.Lizaso:
Beraz zertxobait apartan bila
egin behar ahaleginak
bere itxura eduki dezan
rotondan dagon jardinak
ta koloreak ez izateko
datozenaren berdinak
alde batera utzi ditzagun
berdeak eta urdinak. (bis)
M.Lujanbio:
Berde ta urdinak ez dira ederrak
ta hoiek jarri bai zea!
Hara Behobi ta Irun artean
hau da bidegurutzea!
Puntu honek du oso histori
tristea eta luzea
ironikoa litzake hemen
alegriak ipintzea. (bis)
S.Lizaso:
Nolabait ere hausi beharko
lehendik dauden topikoak
behin jarri eta puxka bateko
izatekotan nahikoak
jolasten hemen ez ibiltzeko
inoiz neurri gabekoak
ertzeko lorak jarri ditzagun
arantza ta guzikoak. (bis)
M.Lujanbio:
Lehenago ere hemen badago
nahikoa sasitza txarrik!
Lehendik badago nahikoa ote
eta nahiko lur malkarrik!
Bai botanikan ta bestela're
ez dago esan beharrik
negun loratzen diranak dira
pensamentuak bakarrik. (bis)
Datu-base honetan eskainitako informazioari buruz jakiteko, kontsultatu lege oharra