Bertsoak - Fitxa ikusi   Atal honi buruz gehiago jakiteko

2009-07-31 Altzo Jaialdia [Bertsoa] / Igor Elortza

Bertsoa entzun  

Informazio orokorra

Kategoria
Bat-batekoa
Saioa
2009-07-31 Altzo Jaialdia
Gai-emailea
Olano, Manuel
Bertsolariak / Egileak
Elortza, Igor
Lana
Bakarka gaia-emanda
Jarritako gaia
Gizakion arteko harreman eta maitasun kontuetan mila teoria, ikuspegi eta praktika daude, noski. Dena den, asko kostatzen omen zaigu, zu eta ni izateari utzi eta gu izatera pasatzea.

Deskribapena

Doinua
Lurraren pean sar nindaiteke
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2009-07-31 Altzo Jaialdia [Bertsoa] / Igor Elortza

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Neronek neure esperientzia
kontatuko dizut hara:
hamar bat urte da neska batek
ein zidala besarkada
zortzi urtean hor ibili naiz
orain hona orain hara
eta oraintxe pare bat urte
jaio zen lehen alaba
bi ginenean bi izan ginen
ta orain hiru bat gara. (bis)

Ta egia esan bizitza hala
da errezago joaten
buruaz barik bihotzez jokatu
eta zer eman dezakeen
gehitu egiten baita mundua:
bat gehi bat inoiz ez da ken.
Mundu honetan jakin behar da
geure onena ematen
eta ahal bada aldi berean
bat baina bana izaten. (bis)

Azken batean kontatu dizut
bizi bat oso normala
haundi izateko jakin behar baita
baita izaten apala.
Nik ahalegina egin nahi nuke
beti bizitzeko hala
besteekiko errespetuan
norberak gura bezala
eta nahi nuke alabak ere
hoixe ikasi dezala. (bis)

Datu-base honetan eskainitako informazioari buruz jakiteko, kontsultatu lege oharra