Bertsoak - Fitxa ikusi Atal honi buruz gehiago jakiteko
2010-10-10 Urepele Jaialdia [Bertsoa] / Sebastian Lizaso
| Bertsoa entzun |
2010-10-10 Urepele Jaialdia [Bertsoa] / Sebastian Lizaso
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Ukaezina bertsotarako
Xanpunek zun jarioa
kantuan ez zan makala eta
hizketan oso iaioa
egiarekin adiskide ta
gezurran arerioa.
Egia esan bikoitza gendun
harek zuen balioa
aldi berean zelako bera
alaia ta serioa. (bis)
Herririk herri hainbat urtean
ibili zena kantari
ezin ukatu ematen zitun
arrazoi onak ugari
eta arrazoi hoiek berekin
beti pisua nabari.
Gogoan daukat behingoan nola
neuk entzun nion berari
lehendabizitik gizona zela
eta gero bertsolari. (bis)
Ezin ukatu bere lagunen
lagunik onena zena
bainan jendea ezagutzeko
zuen aparteko sena.
Nahiz bostekoa luzatzea dan
zenbaitentzat errezena
horretan ere Xanpun genduen
argia eta zuzena
behin bostekoa eman ezkero
eskua estutzen zuena. (bis)
Datu-base honetan eskainitako informazioari buruz jakiteko, kontsultatu lege oharra