Bertsoak - Fitxa ikusi   Atal honi buruz gehiago jakiteko

2010-12-22 Arrasate Jaialdia [Bertsoa] / Uxue Alberdi, Mañukorta

Informazio orokorra

Kategoria
Bat-batekoa
Saioa
2010-12-22 Arrasate Jaialdia
Gai-emailea
Ibaibarriaga, Asier
Bertsolariak / Egileak
Alberdi, Uxue
Mañukorta
Lana
Binaka gaia-emanda
Jarritako gaia
Zu, Uxue, taberna edo jatetxe bateko zerbitzaria izango zara, eta hor dago Mañu, afaltzen, bakarrik. Kontua eskatu dizu. Kontuarekin batera mahaia jaso, eta ezpainzapian bere telefonoa utzi dizu.

Deskribapena

Doinua
Bertsuak jarri dizkat
Neurria / Estrofaren izena
Seiko txikia (hg) / Hiru puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2010-12-22 Arrasate Jaialdia [Bertsoa] / Uxue Alberdi, Mañukorta

Neurria:  Seiko txikia (hg) / Hiru puntuko txikia (ip) 
Kokapena:  XDZ - Xenpelar Dokumentazio Zentroa 


Mañukorta:

Serbitzaile jatorrak
hainbeste meritu
jan ta eranez hementxe
beitu eta beitu
hor dezu urrutizkina
lehenbailehen deitu. (bis)


U. Alberdi:

Sorpresa bat hartu dut
platerak batzean
telefono txiki bat
paperan ertzean
kamarera bat behar
al dezu etxean? (bis)


Mañukorta:

Holako kamarerak
ez dabiltza nunahi
irripar gozo horrekin
gozo eta alai
kamarera behar det
andra bat ere bai. (bis)


U. Alberdi:

Nahiz ta horrek berez ez dun
Mañu ezer txarrik
nik behintzat gaur ez daukat
konpaini beharrik
bezeroak nahi ditut
tabernan bakarrik. (bis)


Mañukorta:

Berezoak tabernan
nik ezin ukatu
afaria eiten da
hasi ta bukatu
neu ere hemen naukazu
nahi ba’zu probatu. (bis)


U. Alberdi:

Nik ez dizut emango
bedeinkazioa
eta ez dut aseko
zure desioa
baina emango dizut
konbersazioa. (bis)


Mañukorta:

Ai zer neska polita
liraina ta bero!
Aukera hau ez degu
biok egunero
igual gustauko zera
probatu ezkero. (bis)


U. Alberdi:

Behar det serbilleta
eta bi babero
itxuraz jarriko nau
Mañuk bero-bero
igual ez det kontauko
probatu ezkero. (bis)


Mañukorta:

Gorpuz ederrak badu
hainbeste etekin
hemen jardun ondoren
ekin eta ekin
igual biziko gerade
biok alkarrekin. (bis)


U. Alberdi:

Neskatila gazteai
hartu dio usai
bera’re garai baten
izango zan galai
berak gaztea nahi du
baina nik ere bai. bis)


Mañukorta:

Egia esan eta
egin dit galdera
hiruroita zazpi urte
urteak aurrera
baina oindik gazte nago
gerritikan behera. (bis)


U. Alberdi:

Txispatuz joaten baitzait
ardotik ardora
azkenean galtzen du
gizonak ganora
ta nik zentzuna daukat
lepotikan gora. (bis)


Mañukorta:

Errazoi ederra ere
esan dezu kasi
ta mutilzaharrak beti
ematen du itsusi.
Lagun polit bat hartu
ondo-ondo bizi! (bis)


U. Alberdi:

Nahiz ta ez degun ingo
beraz biok txortan
ondo bukau behar da
Mañu holakotan
zure zai egongo naiz
bihar leku hontan. (bis)

Datu-base honetan eskainitako informazioari buruz jakiteko, kontsultatu lege oharra