Bertsoak - Fitxa ikusi   Atal honi buruz gehiago jakiteko

2010-03-12 Azpeitia Sariketa [Bertsoa] / Asier Azpiroz Iztueta, Maialen Velarde

Bertsoa entzun  

Informazio orokorra

Kategoria
Bat-batekoa
Saioa
2010-03-12 Azpeitia Sariketa
Gai-emailea
Uranga, Jokin
Bertsolariak / Egileak
Azpiroz Iztueta, Asier
Velarde, Maialen
Lana
Binaka gaia-emanda
Jarritako gaia
Urte askotan izan duzue bikote harremana. Orain Asierrek uztea erabaki du, eta Maialenek ezin du onartu.

Deskribapena

Doinua
Agur sagar beltzeran
Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2010-03-12 Azpeitia Sariketa [Bertsoa] / Asier Azpiroz Iztueta, Maialen Velarde

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 


A. Azpiroz:

Gaurtik aurrera gera
gu bikote ohiak
pasatu diralako
lehengo sasoiak.
Ohe kontuan ginan
gu biok lehoiak
astintzen genituen
sofa eta ohiak
ta orain bihurtu gera
rutinan morroiak.


M. Velarde:

Sinistu nahiko nuke
diotsut serio
rutinan omen gaude
ze erremedio!
Elkarrekin pasata
lau kalendario
lehen lagun eta orain
elkar arerio...
Buruak baietz baina
bihotzak ezetz dio.


A. Azpiroz:

Nun da garai bateko
neskatxa ausarta?
Herriko politena
ohean aparta
ta ez dezu onartu nahi
jesus hau da marka!
Arrazoia hauxe da
esatea barka:
begietan ez dezu
lehengo txinparta.


M. Velarde:

Txinparta joaten zaizu
hogei segunduan
ta berdina pasatzen
ohe inguruan
nik maitasuna nuen
nire helburuan
baina aldatu zaizu
azkenengo orduan:
sexua bakarrikan
daukazu buruan.


A. Azpiroz:

Sentimentuak ere
badauzkat ta aizu
ta zuk burua altxa
eta ez egon kexu.
Zure bizitzarekin
jarrai dezakezu
oraindikan benetan
polita zaude zu
ta ni baino hobe bat
bilatuko dezu.


M. Velarde:

Sentimentuak ditu
zeinen romantiko!
Sentimentuak aspaldi
utzita mutiko.
Maitasuna betiko
ez du ikusiko
azpikoa egiten da
ximeldu ta kito
ta ni ez naiz zure zain
betiko jarriko.

Datu-base honetan eskainitako informazioari buruz jakiteko, kontsultatu lege oharra